MOLAKA--మొలక

రీజనల్ జోయింట్ డైరెక్టర్ ( ఆర్. జె.డీ ) ఆఫ్ ఎడ్యుకేషన్, కాకినాడ గారి సర్క్యులర్ మేరకు నేను ట్రాన్ఫర్ కోసం ధరఖాస్తు చేసుకున్నాను. దరఖాస్తు చేసుకున్న కొద్ది రోజుల్లోనే ఫలానా రోజున ట్రాన్ఫర్స్ టేకప్ చేస్తున్నామని పేపర్ స్టేట్మెంట్ ఇచ్చారు. అయితే బొబ్బిలి చుట్టుపక్కల ప్రాంతాల్లో ఉన్న రెండే రెండు పోస్ట్ లు ఖాళీలవుతాయని విన్నాను. అవి బొబ్బిలి లోకల్ గరల్స్ హైస్కూలు మరియూ బొబ్బిలికి పదిహేను కిలోమీటర్ల దూరంలో నున్న సీతానగ రం హైస్కూళ్ళ లో హెడ్మాష్టరు పోష్టులు ఖాళీలవుతాయని. ఆ రెండింటికీ విపరీతమైన కాంపిటీషన్ ఉందని విన్నాను. ట్రాన్ఫర్స్ కౌన్సెలింగ్ లో ఎవరికెన్ని పాయింట్స్ వచ్చాయో ఆ పాయింట్స్ ను బట్టి ట్రాన్ఫర్స్ చేస్తారు. పాయింట్స్ ఎలానిర్ణయిస్తారంటే ఒక ఉపాధ్యాయుడు ఒక ప్రదేశంలో ఎన్ని సంవత్సరాలుగా పనిచేస్తున్నాడు ? లాంగ్ స్టాడింగ్ అయితే ఎక్కువ పాయింట్స్ వస్తాయి.భార్యాభర్తలు ఇద్దరూఉద్యోగు లైతే వారికి స్పౌజ్ కోటాలో కొన్ని పాయింట్స్ ఇస్తారు. అలానే తను పనిచేసే పాఠశాలకు వచ్చిన పరీక్షా ఫలితాలు అధికంగా ఉన్నట్టయితే మరి కొన్ని పాయింట్స్ ఇస్తారు. ఉపాధ్యాయ సంఘనాయకునిగా ఉంటే, ఆ సంఘం రికగ్నిషన్ ను కలిగిఉంటే పది పాయింట్స్ ఇస్తారు. అయితే నేను పక్కిలో ఉన్నది రెండు సంవత్సరాలు మాత్రమే ! లాంగ్ స్టాడింగ్ కానేకాదు. మా భార్యాభర్తలు ఇద్దరిలో నేను ఒక్క డినే ఉద్యోగం చేస్తున్నాను. అంచేత స్పౌజ్ కోటాలో నాకు పాయింట్స్ వచ్చే అవకాశమే లేదు. ఇక పాఠశాల పదవ తరగతి పబ్లీక్ పరీక్షాఫలితాలంటే కనీసం 40% దాటలేదు. సంఘనాయకునిగా ( రికగ్నైజ్డ్ అసోసియేషన్ జిల్లా ప్రెసి డెంటుగా గానీ జిల్లా జనరల్ శక్రటరీగా గానీ) ఉంటే 10 పాయింట్లు ఇస్తారు. కానీ గత సంవత్సరం ఎన్నికల్లో ఏ. పి. హెడ్మాష్టర్స్ అసోసియేషన్ జిల్లా అద్యక్షునిగా ఎన్నుకుంటా మంటే నేను అంగీకరించ లేదు. ఇప్పుడు ఆ పదవి అవుస రమే వచ్చింది.ఇలా ఏ విధంగా చూసినా నాకు కలసిరాలేదు.మరి పక్కి నుండి కదిలే ప్రసక్తే లేదనే నిర్ణయించుకున్నాను అయినా బదిలీకి దరఖాస్తు మాత్రం చేసేసాను. ఇద్దరు ముగ్గురు స్నేహితులతో నా ట్రాన్స్ఫర్ గురించి చర్చించాను. వారి నుండి పొందిన సమాచారం ప్రకారం సీతానగరం హైస్కూల్ కు గుమ్మలక్ష్మీపురం మండల్ ఎడ్యుకేషన్ ఆఫీసర్ గా పనిచేస్తున్న ఒకాయన హెచ్.ఎం గా స్పౌజ్ కోటాలో రావాలని ప్రయత్నిస్తున్నారని తెలిసింది. అలానే బొబ్బిలి గరల్స్ హైస్కూలుకు ఇద్దరు, ముగ్గురు హెడ్మిష్ర్టస్ లు రావడానికి ప్రయత్నిస్తున్నారని తెలిసింది. ఇక మిగిలిందల్లా గుమ్మలక్ష్మీపురం మండల్ ఎడ్యుకేషన్ ఆఫీసర్ ఖాళీ చేస్తున్న పోస్ట్ మాత్రం మిగిలి ఉంది. అది నేను నివసిస్తున్న ప్రదేశం బొబ్బిలికి 70,80 కిలోమీటర్ల దూరంలో ఉంది. పెనంలో నుండి పొయ్యిలో పడ్డట్టవు తుందనుకున్నాను.పట్టణవాతావరణంలోనున్నవాడిని గిరిజనప్రదేశాల వాతావరణంలోకి వెళ్ళాలి. హైస్కూల్ హెడ్మాష్టరుగా పనిచేసుకున్నంత సుఖం, ప్రశాంతత ఎం. ఇ. వో గా రాదు. అంతా. టెన్షన్ టెన్షన్ గా జీవితం గడుస్తుంది. ఎం. ఇ.వో పోస్ట్, హెడ్మాష్టరు పోస్ట్ రెండూ సమాన హోదా, సమాన వేతనం గలవి. ఎం.ఇ.వో పోష్టుకు బాధ్యతలెక్కువ. ఉన్నతాధికారులనుండి చీవాట్లూ ఎక్కువే ! అవినీతి కూడాఎక్కువే ! నాలాంటివాడు అసలు ఆ పోస్టులో ఇమడలేడు. హెడ్మాష్టరుగా పనిచేస్తే ఉన్నతా ధికారుల తాకిడి ఉండదు. కష్టపడి పాఠం చెప్పుకుంటే నలుగురు పిల్లలను బాగుచేసు కోవచ్చు. ప్రజలలో గౌరవంఉంటుంది. ఒకనాడు ఇంగ్లండ్ లో గల ' రగ్బీ స్కూల్ ' లో పనిచేసిన హెడ్మాష్టరు థామస్ ఆర్నాల్డ్ జ్ఞప్తికి వస్తారు. హెడ్మాష్టరు పోస్ట్ అంటే అత్యంత విలువలతో కూడుకున్నది.హెడ్మాష్టరు అంటే పిల్లలలో ఎనలేని గౌరవం, ప్రేమ, ఆత్మీ యత, ఆప్యాయత, అనురాగం అనుబంధాలు అనంతమైనవిగా ఉంటాయి. అవి మనిషిని, మనసును ఎక్కడికో తీసుకుపోతాయి. వాళ్ళు పెరిగి, పెద్దవారై, ప్రయోజకులైతే ఎక్కడ కనిపించినా వారు చూపించే ఆదరణ, అభిమానం అనన్యమైనవి. ఇటీవల నేను ఆత్మకథ వ్రాస్థున్నప్పుడు ముగ్గురు , నలుగురు విద్యార్థులు ఫోన్ చేసి నాదగ్గర టెక్కలిలో 1972-75 సంవత్సరాలమధ్య కాలంలోనూ, బలిజిపేటలో 1977- 97 మధ్య కాలంలో వాళ్ళు నా దగ్గర చదువుకున్నట్టుగ ఆనాటి స్కూలు జ్ఞాపకాలను ఈనాడు నెమరు వేసారు. ఒక అబ్బాయి అయితే తన చిన్ననాటి ఆర్థిక పరిస్థితులలో నేను చేసిన సహాయాన్ని తలచుకొని ఏడ్చేసాడు. మరొకడు తను తన భార్య లాయర్లగా సెటిలయ్యామన్నారు. అలా చెబుతున్నప్పడు చాలా ఆనందం అనిపించింది. ఈ పరిస్థి తులను చూసి బొబ్బిలి, సీతానగరం హైస్కూళ్ళపై ఆశలు వదులుకున్నాయి. మళ్ళీ పక్కి హైస్కూలులో ఉండక తప్పదనే ని‌ర్ణయానికొచ్చాను. కాకినాడలో గల కౌన్సిలింగ్ కు వెళ్ళకూడదనే నిర్ణయానికొచ్చి విరమించుకున్నాను. మనసు లో నుండి ఆ తలంపును తొలగించుకున్నాను. మూడురోజులు గడచిపోయాయి. నా స్నేహితుడు, బి.ఇ.డీలో నా క్లాస్-మేట్‌, బలిజిపేట హైస్కూలులో నా సహచరుడు అయిన బాలనాథం ' బూర్జ ' హైస్కూలులో హెడ్మాష్టరుగా పని చేస్తుండేవాడు. బూర్జకు చాలా దగ్గర అడ్డు మార్గం 7 కిలో మీటర్ల ఉంటుంది. ఇటు,అటు కలిసి 14 కిలోమీటర్లు ఉండొచ్చు. ఈ మార్గం గుండా స్కూలుకు నడిచి వెళ్ళొచ్చు. అలానే బస్సుమార్గం కూడా ఉంది. బలిజిపేట, నుండి 25కిలోమీటర్లు బొబ్బిలి వచ్చి అక్కడ నుండి మరో 25 కిలోమీటర్లు బూర్జ వెళ్ళవలసి ఉంటుంది. మొత్తం పై 50 కిలోమీటర్లు ఒక ప్రక్క. ఇక రెండు వైపులా 100 కిలో మీటర్లు ఉంటుంది. ఆకారణంగా నేను పక్కి పోస్ట్ ఖాళీ చేస్తే నా పోస్ట్ కు అతను ట్రాన్ఫర్ పై రావాలని ప్రయత్నిస్తున్నాడు.కానీ ప్రస్తుత పరిస్థితులలో తన ఆలోచన సాధ్యం కానిది. ( సశేషం )--శివ్వాం. ప్రభాకరం, బొబ్బిలి, ఫోన్: 701 3660 252.