బామ్మ బంగారం:- సత్యవాణి కుంటముక్కుల

 మన బామ్మ బంగారం/

మన ఇంటికి ఆమే సింగారం/

మన మారాములు తీరుస్తుంది/

గారాబం బాగా చేస్తుంది/

అప్పచ్చులు ఎన్నో

 తినిపిస్తుంది/

తప్పొప్పులు మనకెన్నో

 చెపుతుంది/

 

అమ్మానాన్నలు 

 కొట్టొస్తే/

అడ్డంగా తానొస్తుంది/

ఒరులెవరైనా

 మననొకమాటంటే/

ఒప్పను నేనని అంటుంది/

కమ్మని కథలే కాకుండా/

కబురులతో మనల్ని

 మురిపిస్తుంది/

ఆప్యాయత ఎంతో చూపిస్తూ/

మన తిక్కలు అన్నీ

 తీరుస్తుంది/

బామ్మలు యిటుండడమంటే/

భాగ్య రేఖ కలిగుండటమే/

బామ్మలు ఇంటుంటేచాలు

భాగ్యరాశులింటున్నట్లే/

బాలల నేస్తాలు బామ్మలు

 అమ్మమ్మలూ/

మన భావిని దిద్దే/

 గురువులువారు/

ఋణపడాలి బామ్మకులకు 

అమ్మమ్మలకూ/

ఋణం తీర్చుకోవాలేగానీ/

రణం చేయకూడదు వారితో /

బాలలూ మనమెపుడూ/

అలుసు చేయకూడదు వారిని

ఆదరణెంతో చూపాలి/