తెలుగు భాషనె పలుకు
పలుకు తేనియ లొలుకు
ఒలుకు చున్నదె చినుకు
ఓ మమతలమ్మ
మాతృభాషను తెలుపు
ఈరోజు ఒక మలుపు
తెలుగుతో మన గెలుపు
ఓ మమతలమ్మ
మాతృభాషా దినము
ప్రతియెదన ఒక వనము
పూయించెను కవనము
ఓ మమతలమ్మ
ఉగ్గు పాలతొ నేర్చె
అమ్మ పదముతొ కూర్చె
కమ్మధనమును పేర్చె
ఓ మమతలమ్మ
తెలుగు వెలుగై పూచె
విశ్వంబులో నిలిచె
కీర్తి బాటలు వేచె
ఓ మమతలమ్మ
కమ్మనైనది తెలుగు
పురుటి గడ్డకు వెలుగు
జాతి గొప్పకు జిలుగు
ఓ మమతలమ్మ
addComments
కామెంట్‌ను పోస్ట్ చేయండి