ఉల్లము దోచే పిల్లలం:-గుర్రాల లక్ష్మారెడ్డి, కల్వకుర్తి-నాగర్ కర్నూల్ జిల్లా.-సెల్,నెం.9491387977.

రివ్వున ఎగిరే గువ్వ లం

ఘల్లున మోగె మువ్వలం 

ఉల్లము దోచే పిల్లలం

తెల్లని వెన్నెల మల్లెలం.

మేం మోగిస్తాంమా బడి గంట

పండిస్తాం మా చదువుల పంట

గురువే మాకు ఇళ్లలో దేవుడు

మేం కొలిచే అభినవ రాముడు.

మా చదువుల తల్లి భారతి

మేంఇస్తాం ఆమెకు హారతి

ఆ దేవత ఇచ్చును అభయం

మాకు లేదు లే ఏ భయం.

మాకు ఇంటాబయటా దోస్తులు

వారి ఆట పాటలు మాకు ఆస్తులు

గడప గడప అంతా కలుస్తుంటాం

అడపాదడపా ఆనందిస్తుంటాం.

అల్లరి పిల్లలం మేం కానేకాము

అనవసర గొడవలకు పోనే పోము

 అందరితో కలిసిమెలసి ఉంటాం

క్షేమసమాచారం తెలుసుకుంటాం.

పెద్ద వారి మాటలే మాకు వేదాలు

వారితో మేం పెట్టుకోం వివాదాలు

వారే గా మాకు మార్గదర్శకులు

మమ్ముల ఆదరించే మా నిర్దేశకులు

ముద్దు ముద్దు కథలేచదువుతాం

హద్దు పద్దు ల్లోమేం ఎదుగుతాం

ఆటపాటలతో మాకు ఆరోగ్యం

ఆటపాటలతో వచ్చు సౌభాగ్యం.