కిడ్డీ బ్యాంక్ బుడతలం:-గుర్రాల లక్ష్మారెడ్డి, కల్వకుర్తి-సెలనెం,9491387977

మేం కిడ్డీ బ్యాంక్ స్థాపించిన చిరుతలం 

మా వడ్డీ ర్యాంక్ సాధించిన బుడతలం

 మేం బ్యాంక్ సేవలు అర్తించు వారలం 

మా ర్యాంక్ తోవలు గుర్తించు పోరలం

మా ప్రియమైన బ్యాంకర్లను కలుసుకుంటాం 

మేం ప్రయత్నించి పొదుపు దారులు తెలుసుకుంటాం

చిన్నా చితక వ్యాపారాలు చేస్తూనే ఉంటాం 

సంపాదించిన సొమ్మంతా

మా ఖాతాలో నిత్యం వేస్తుంటాం

చిన్న మొత్తాల పొదుపు ఖాతాను తెరుస్తాం

 ఉన్న విత్తమంతా అందులోన దాచి మేం మెరుస్తాం

వచ్చే వడ్డీతో మాఅప్పుల బాకి తీరుస్తాం

 తెచ్చు దొడ్డిదారి తప్పుల జాకీని మారుస్తాం

జబ్బుల వల్ల మన ఆరోగ్యం చెడకుండా 

డబ్బులవల్ల మనం ఇబ్బంది పడకుండా 

ఉండాలంటే ఇక మునుముందు 

దినమంతా చేయాలి ఒక పొదుపు విందు.

మా పొదుపు లో గండి పడకుండా మేం శ్రమిస్తాం 

అదుపులోఉండి చెడకుండా విశ్రమిస్తాం 

మదుపు దారిలోన మేమంతా పయనిస్తాం 

కుదుపు లేని కునుకుతోని శయనిస్తాం.