చూడ చిన్నవి గాని...(బాలగేయం):- బెలగాం భీమేశ్వరరావు 9989537835

                     చిటికంత మట్టిలో

                     వేల జీవులు ఉండు

                     నిత్యమవి శ్రమపడుతు

                     నేల గుల్లను జేయు

                     గుల్లయిన నేలలే

                     విత్తులకు శ్రేష్ఠము

                     మొలకలు పుట్టుటకు

                     అగునవి నేస్తము

                     కోట్లాది జీవులు

                     పొలంలో నుండును

                     చూడ చిన్నవి గాని 

                     పెను మేలు చేయును

                     విచక్షణ కోల్పోయి

                     విష తుల్య ఎరువులు

                     వాడితిమ అవియన్ని

                     నాశనం అగునురా

                     నేల మేలును గోరి

                     వి

ష ఎరువులొద్దురా

                     రసాయనాలు వాడి

                     ఉసురు తీయొద్దురా

                     క్రిములు లేని నేల

                     మృత నేల అగునురా

                     పంటలు మనకపుడు

                     మృగ్యమే అగునురా