సూరన్న ' సిరి '...!!:- ----డా .కె .ఎల్.వి .ప్రసాద్ ,హన్మకొండ .

సూరన్న వచ్చాడు 

సూర్యోదయం 

అయింది .....

సూర్యరశ్మిని తెచ్చి 

చీకటిని 

తరిమి కొట్టాడు 

సకల ప్రాణకోటినీ 

నిద్రలేపి ....

నిత్య జీవిత కృత్యాలకు 

తెర లేపి పెట్టాడు !

మనుష్యకోటికి 

ఉదయపు లేతెన్డ

సూర్యకిరణాలతో 

డి -విటమిను 

ప్రసాదించి ....

ఉచిత ఆరోగ్య పథకానికి 

శ్రీకారం చుట్టాడు !

పశు పక్ష్యాదులలో

చైతన్యం రేకెత్తిన్చి

నిత్య జీవన స్రవంతికి 

నీరాజనం పలికాడు !

చెట్టు ఆకులలోని 

పత్రహరితం పై 

ప్రభావం చూపించి 

కిరణజన్య సంయోగ క్రియతో 

ఆమ్లజని (ప్రాణ వాయువు )

పుట్టించి ....

జీవకోటినెల్ల 

సజీవులను చేసినాడు !

కృత్రిమ విద్యుత్తుకు 

కేంద్రబింధువు అతడు 

సూరన్న కాక మరి ,

ఇంకెవరు కాగలరు ?