బావా బావా గేయం:--ఎడ్ల లక్ష్మి-సిద్దిపేట

బావా బావా పన్నీరు

రావా రావా చెన్నూరు

గుర్రాలు బండి ఎక్కిస్తా

గురిగి లో నిల్లు తాపిస్తా

ఊరు వాడ తిప్పేస్తా

బారు బీర్ లేదు బావా //బావా //

ముంతెడు గంజి ముంచిస్తా

ముద్దుగ నీవు తాగు బావా

గుగ్గిల్లు నేను తెప్పిస్తా

గుర్రాని కేమో తిని పిస్తా //బావా //

బల్లెం చేత పట్టు బావా

గుర్రం మీదా ఎక్కు బావా

రణం నీవు చేయు బావా

రణం లో గెలిచి రా బావా //బావా //

గుర్రం. నీవు దిగి నాకా

బుక్కలొ చెక్కరి పోస్తబావా

చేక్కరి భుక్కి మా బావా

అక్కను నీవు చూడు బావా //బావా//