అక్షరమాలికలు:-డా.రామక కృష్ణమూర్తి-బోయినపల్లి,సికింద్రాబాద్.

ఏకపది:(మెట్టెలు)

*******

1.పెళ్ళయిన స్త్రీల_సౌభాగ్య చిహ్నాలు.

2.కాలి వేళ్ళకు తొడగబడిన_సంప్రదాయ సూచికలు.

ద్విపదం:(పాదము)

********

1.కొత్త ఆరంభానికి నాంది పలికే   అడుగు.

సప్తపదిలో కలిసి నడిచే ప్రయాణానికి ఆదరవు.

2.జీవితంలో నడక సాగించేందుకు తోడ్పడేది.

సుదూర తీరానికి వెళ్ళడానికి ఆధారం.

త్రిపదం:(పారాణి)

*******

1.మంగళకరమైన‌ అలంకారమై 

మది దోస్తుంది.

వర్ణమయమైన జీవితారంభానికి సంకేతమవుతుంది.

మగువ మనసుల అంతరంగాన్ని ఆవిష్కరిస్తుంది.

2.వధూవరుల ఆకాంక్షల సుస్వాగతమై నిలుస్తుంది.

కొత్తపెళ్ళికూతురు నేస్తమై వెంటవస్తుంది.

కాళ్ళకు శోభాయమానమై విరాజిల్లుతుంది.

చతుర్థపదం:(పసుపు)

**********

1.అమ్మవారి స్వరూపమై అలరారుతుంది.

సుగంధద్రవ్యమై అందానికి ఆధారమవుతుంది.

వంటింటి సంభారమై ఆరోగ్యాన్నిస్తుంది.

కాలికి రాయబడిన సౌభాగ్యచిహ్నమవుతుంది.

2.ఆయుర్వేదంలో ఔషధమై పనిచేస్తుంది.

రోగనిరోధక శక్తిని పెంచే అమృతమవుతుంది.

పూజల్లో పునీతమైన పూజాద్రవ్యమవుతుంది.

స్త్రీల అందానికి వన్నె తెచ్చే సౌందర్య సాధనమవుతుంది.