ఆది ..అంతం అంతా నీవే.:--లీలా కృష్ణ.తెనాలి.

పలికే పలుకునకు లేదులే రూపం.

నిను చూపే అద్దం.. ఎరుగదు శబ్దం.

కనలేని , వినలేని  ఎద .. తూగదు తూకం.

నీ  ఎద నిర్ధారణకు నీవే ఆధారం.

ఎదకలుసయ్యావో తప్పదు భారం.

ఏదీ లేదంటే  అవుతుంది అది శూన్యం.

శూన్యంనుండే మొదలవ్వును సర్వం.

తనను తాను తీర్చిదిద్దుకున్నాడు దైవం.

ఆ దైవాన్ని ప్రతిబింబించుటయె నీ కర్తవ్యం.

ఇలలోని వ్యవహారాలే కలలకు మూలాధారం.

మూలాలను మరచిననాడు నువ్వు బ్రతికేం లాభం.

కవి యొక్క ఆలోచనలకు ప్రతిరూపమే.. కవిత్వం.

చిత్రాలు లేకున్నా.. చిత్రవిచిత్రాలు చూపును కవితలోని భావుకత్వం.