సమోసా -(బాల గేయం)--ఎం. వి. ఉమాదేవి నెల్లూరు

చూడు చూడు సమోసాలు 

వేడుకైనవి దిలాసాలు 

రుచిగా ఉండే అల్పాహారం 

పిల్లా పెద్దా కులాసాలు !

పెళ్లి, పుట్టినరోజు పార్టీ 

స్నేహితులుకు సమావేశం 

సాయంకాలం ఛాయ్ తోటి 

సరదా కబుర్ల కాలక్షేపం !

ఆలూ క్యారెట్ ఉల్లిపాయలు 

సమోసా లోపల కమ్మనికూర 

అసలు కిటుకు ఆకారం 

తయారీ లోనే ఉందండి !

చిన్నపూరీని చేసి మడిచి 

కూరను నింపి అతకాలోయ్ 

సమోసాల బండి వస్తే 

నిముషాలలో ఖాళీనోయ్ !