నీతి పద్యాలు:---సంగనభట్ల చిన్న రామ కిష్టయ్య, ధర్మపురి. మొబైల్:9908554535.
112.ఆ.వె.కర్ర పట్టుకున్న కాళముకు భయము
                పిల్లికి భయపడును పెద్ద యెలుక
                భయము లేని జీవి పరికింప గనరాదు
                రమ్య సూక్తులరయు రామకృష్ణ .

113.ఆ.వె. కనులు మూసికొన్న  కనబడు నిడుములు
                  నిలకడుండదు మది నిజము సుమ్ము
                  చాల బాధ లొందు సంసారి జగతిని
                  రమ్య సూక్తులరయు రామకృష్ణ.

114.ఆ.వె. చిన్నవారుననుచు చీదరింపవలదు 
                 తెలివితేటలందు తీసిపోరు
                 చావు పుట్టుకలును సహదేవునకెరుక
                 రమ్య సూక్తులరయు రామకృష్ణ.


కామెంట్‌లు