కస్తూరిబా గాంధీ :-- ఎం. వి. ఉమాదేవి నెల్లూరు
ఆధునిక మహిళగా ఆదర్శమూర్తిగా 
కస్తూరిబా వెలిగె కడవరకు దివ్వెగా 

బాలికా వధువుగా బాధ్యతలు మోసినది 
గాంధీజి ఛాయలో కాంతిగా మిగిలినది 

పదమూడు యేండ్లకి పదిమంది గలనింట 
తలలోని నాలుకగ తనయోర్పు చూపినది 

సంపదల పుట్టిల్లు సమస్యల నత్తిల్లు  
ఆటుపోట్ల నడుమను ఆమె జీవితనౌక 

పేదరికమూ మరియు పెనుఉప్పెనల చోటు 
పచ్చి బాలింతయిన పతి వెడలె లండన్ కు 

కుల బహిష్కరణమును కుల పెద్దలే జేయ 
పుట్టింటి యాదరణ పూర్తిగా లేకుండ

అత్తయ్య మరణముకు అత్యంత విచారము 
కుటుంబమును నడిపే కూరిమిన త్యాగమయి 

బంగారమును యమ్మి బాగుగా చదివించె
భర్త మాటయె తనకు భావిగా నూహించె 

దక్షిణాఫ్రికాలో తన సుఖము కొన్నాళ్ళు 
చేరినారు మరలను చెరుకుతోటల యందు 

నిరాడంబర చరిత నిర్భయము సహనాన్ని 
మూడు దశాబ్దాలను మునిగె  పోరాటాల  

మహా పురుషుల వెనుక  మహిళలే యొకదన్ను 
నిర్ణయములకు వెనుక నిలుచు వేదన లెన్నొ 

జాతి స్వతంత్రము జన్మహక్కు యటంచు 
నిలిచేను  కస్తూరి నిర్మలపు సౌరభము!


కామెంట్‌లు