కీర్తి కిరీటము:--మచ్చరాజమౌళి.దుబ్బాక.9059637442

సమస్తం ఆమె స్వరూపమే

ఆపాద మస్తకం శ్రమించే తత్వం ఆమె గుణమే

ఆకాశంలో సగమంటారు

ఆలోచనలను మాత్రం అణువణువూ ప్రశ్నిస్తారు

ఉధ్యమ రంగాన ఉడుకునెత్తురై ప్రవహిస్తుంది

విద్యా విషయ సమూహంలో 

విజయకేతనమెగరేస్తుంది

గగనసీమన ఎగిరే విహంగమై విరాజిల్లుతుంది

నమ్మకాలను వమ్ముచేయని నాయకిగా వెలుగుతుంది

అయినా, 

నిముషాన్ని నమ్మని క్షణం

నీడలా వెనుకెనుకే తిరుగాడుతుంటే

ఉదయించాలని ఉబలాటపడే 

అభ్యుదయభావాలు

ఉరికొయ్యలనాశ్రయిస్తున్నాయి

తెగిన తలలై తలోవైపు వేలాడుతున్నాయి

స్వాగత తోరణాలను ఆశించదు

వంధిమాగధుల పొగడ్తలు వాంఛించదు 

అవధిలేని ప్రేమకు ఆమే ఒక తొలి పలుకు

వారధిగా నిలుచుండి సారధియై తోడుంటే చాలు

మహిళాభ్యుదయపథంలో 

మరిచిపోని కీర్తిశిఖరాన నిలిచి 

మహోన్నతమవుతుంది..