పీ.వీ. తెలుగు వారి ఠీవి:-కవిరత్న నాశబోయిన నరసింహ (నాన), ఆరోగ్య పర్యవేక్షకుడు,చిట్యాల,నల్గొండ,9542236764

ఉద్యమాల ఊపిరితో మమేకమైన జీవితం  

నిజాం రాజ్య నిషేధం ధిక్కరించిన ధీరుడు

వందేమాతర గీతమాలపించిన సింహ స్వప్నం        

హంగూ ఆర్భాటం లేని నిరాడంబర జీవనం

తొలి తెలుగు ప్రధానామాత్యులుగా                                         

అలుపెరుగని అపర చాణక్యుడు

అక్షర సేద్యంతో  అధ్భుత రచనలు పండించి 

పలు భాషలపై పట్టు సాధించిన మౌన యోగి 

ఇన్ సైడర్ ఆత్మకథ సాహితీ పటిమకు తార్కాణం 

అవినీతి మరకలంటని స్వచ్ఛమైన తెలుగు తేజం                                       

సమయోచిత కార్యాచరణల స్థితప్రజ్ఞత అపారం

అనంత అనుభవ జ్ఞానామృత సాగరం                                                                                 

అధికార సంద్రంలో మైనార్టీ ప్రభుత నావని                 

రాజ నీతిజ్ఞతతో తీరం దాటించిన చుక్కాని                                 

తీవ్రవాదంపై ఉక్కుపాదం మోపిన ఘనుడు       

చెరగని ఆర్థిక సంస్కరణల పితామహుడు

బహుభాషావేత్త పీ.వీ. తెలుగు వారి ఠీవి!

(జూన్28, పీ.వీ.నరసింహా రావు గారి శత జయంతి సందర్భంగా)