సినారె భళారే (తురగ వల్లన రగడ ):-- ఎం. వి. ఉమాదేవి నెల్లూరు

పదము లోని భావనలకు -పరవశమ్ము హృదయ మొలుకు 

మీటగలుగు మానసమును-మే రలేని సృజన చిలుకు 

పంచెకట్టు మోహనమ్ము -పండు వంటి నవ్వు తోను 

పంచు సిరుల రైతు బిడ్డ-పసిడి చేల వాసి గాను 

దోచుకున్న జనం మదిని- తోడు చుండె పాట  సొగసు 

దొరల గడికి ఎదురు నిల్చు-దొరకె అన్న గారి మనసు

ఏకవీర ఎదిగినాడు- ఏరులాగ  నిలిచి నాడు 

ఏక మయ్యె గజల్ లహరి- ఏమి భావ మలదినాడు 

మబ్బులోన ఏమి ఉంది -మనకు నచ్చు పాట జతుల 

మనసు తెలిసి వ్రాసి కవిత- మహిమ తెలుసు కుంటి మిటుల 

ఉంగరాలు జుట్టు సొగసు -ఉంది లేవొ పెదవి ఎరుపు 

ఉంగరమును విడువలేదు-ఉన్నతమది భాను  మెరుపు !!

బీటవారి నట్టి చేలు -పీఠభూమి పీయుషములు 

సాటి కవులు మెచ్చినారు-సాద రమును శాలువాలు !!