మీ ..జీవన సూత్రం తో ....!!:---డా.కె .ఎల్ .వి.ప్రసాద్ , హనంకొండ.

నాయనా .....,

మన కానేటి కుటుంబంలో 

మీరు ప్రత్యేకం ...!

క్రమశిక్షణలో ...

మీకు మీరే సాటి .

ఎందరి జీవిత వ్యధలనో 

పరిష్కరించి,

వారి జీవితాలలో 

ఆనంద సుధలు పండించిన 

విశాల హృదయం మీది !

సామజిక సమస్యల 

న్యాయ వితరణలో ,

మీ మాటకు తిరుగులేదు ,

మీది తాతా చారి ముద్ర ..అంతే !

ప్రజా పొరాటంలో.

జైలు జీవితానికి 

వెనుకంజ వేయలేదు మీరు ,

కొద్ది చదువుతోనే ...

కార్ల్ మర్క్స్ ను విశ్లేషించిన ,

ఘనాపాటి మీరు !

మర్యాద ....

ఇచ్చి ..పుచ్చుకోవాలనే 

జీవన సూత్రాన్ని ...

ఉగ్గుపాలతోనే ...

మీరు మాకు వడ్డించారు !

క్రమ శిక్షణ జీవితానికి ,

కసరత్తు చేయించారు !!

అంతలో కొంతైనా పాటించి ,

మీరు అందించిన వ్యక్తిత్వాన్ని,

పదిలపరచుకుంటూ ...

గౌరవంగా బ్రతికేస్తున్నా !

నాయనా ..

నేను ఏమిచేసిన ,

క్షణ క్షణం గుర్తొచ్చేది మీరు ,

కానేటి తాతయ్య ...

కనిష్ట కుమారుడిగా ...

నాకు ఎంత గర్వమో ...!

(ఫాదర్స్ డే సందర్భంగా మా నాయనకు నివాళి )