ప్రపంచ పితృ దినోత్సవం సందర్భంగా వ్రాసిన షాడోలు:- ఉమా మహేశ్వరీ

నిత్య శ్రామికుడు

మన దార్శనికుడు

వెనుకుండు వాడు

మరి నాన్న కాకింకెవరు మహి

నీవొక సారధి

మా రథసారధి

ఆశల వారధి

వెనుకుండి నడుపు ధైర్యం మహి

నా నేస్తానివి

మా దిక్సూచివి

నీవు బాధ్యతవి

మా ఆశలకి వారధివి మహి

ఏమీ కోరవు

ఏం దాచుకోవు

అలుపనెపుడనవు

నాన్న నిత్య శ్రామికుండు మహి

బాధ్యతల బరువు

వంశంపు పరువు

తీర్చెదవు కరువు

ఏమైన మడమ తిప్పడు మహి

అలుపనడు ఎపుడు

వల్ల కాదనడు

ఈదలేననడు

బాధ్యతలను నెరవేర్చును మహి

ప్రేమ పంచును

కోపగించును

ఎన్నొ తిట్టును

అన్ని భవిష్యత్తుకె మహి

తన కలలన్నీ

ఆశయాలన్ని

ఆశలనన్నీ

పిల్లల పై పెట్టుకునును మహి

పిల్లల ఆశలు

తన ఆశయాలు

తమకి విజయాలు

అనుకుంటూనె బ్రతికెదరు మహి

ఆనందమిస్తు

అలాగె శ్రమిస్తు

కండ కరిగిస్తు

నాన్న కరిగిపోతాడుగ మహి