కిట్టయ్య పిల్లలం (బాల గీతం ):-గుర్రాల లక్ష్మారెడ్డి , కల్వకుర్తి.సెల్ నెంబర్.9491387977.నాగర్ కర్నూలు జిల్లా.

మేం రేపల్లె కిట్టయ్య పిల్లలం

మా పల్లె  కిష్టమైన మల్లెలం

ఆ కిట్టయ్య వెంటే మేముంటం

ఆయనే మా దేవుడని అంటం !

మా పాటకు ప్రాణం పోస్తుంటం

మేం ఆటకు ప్రస్తానం వేస్తుంటం

భజనలు మా బాగా చేస్తుంటం

భజగోవిందం అని ఆలపిస్తుంటం !

మేం రేపల్లె వాడలోని వారలం

మా పల్లెతల్లి గారాల పోరలం

ఆచల్లనితల్లి నీడలో నివశిస్తాం

అల్లిబిల్లి ఆటలతో పరవశిస్తాం

మా బృందావనంలో విహరిస్తాం

మా బృంద గానంతో అలరిస్తాం

మస్తు పర్యాటకులను ఆకర్శిస్తాం

వాస్తు పర్యావరణంను దర్శిస్తాం  !

కానాల మా బాగా పెంచేస్తాం

కాలుష్యాన్ని వేగా తుంచేస్తాం

పరిసరాల మేం శుభ్రం చేస్తాం

పరిశీలకుల గూడా మెప్పిస్తాం

బృందావనమును గని

బృందగానమును విని

అశేష జనమే వస్తారు

విశేష కానుకలే ఇస్తారు !

ఈ రేపెల్లే మేం పుట్టిన ఊరు

ఈ పల్లెకు చేయించాం తేరు

తిరుణాలప్పుడు తిప్పుతాం

శుభ ఫలితాలను చెపుతాం

ఆ మురళీకృష్ణుడు మా నేస్తం

తరలి వెళ్లి ఆయనను పూజిస్తం

ఆలకించి వరమును అందిస్తాడు

పులకించే పరవశంలో బంధిస్తాడు !