అమ్మతో బుజ్జాయి ;-ఎం. వి. ఉమాదేవి

అమ్మతో బుజ్జాయి 

బుజ్జాయి నవ్వోయి 

నవ్వుతూ లాలనే పోసుకొను ఓ వనజ !

నూనెనే పట్టించు

పట్టిమరి మర్ధించు 

మర్ధనా వ్యాయామమొనరించు ఓ వనజ !

ఆటగా తలచేరు 

తలచి స్పర్శను  కోరు 

కోరుతూ ఓపికగ శిశువుండు ఓ వనజ !

ఉదయమ్ము సూరీడు 

సూరీడె చందురుడు 

చందమామగ బిడ్డ ఆతల్లి కే వనజ !

దినదినము పెరిగేను 

పెరిగి యలరించేను 

అలరించి గృహమంత వెలుగవ్వు ఓ వనజ !

చురుకుగా కాల్జేత 

కాల్జేత కదిలింత 

కదిలించి కేరింత కొట్టేరు ఓ వనజ !

కాళ్ళపై పండేసి 

పండేసి రుద్దేసి 

రుద్దగా శుభ్రపడు సునుబిండితో వనజ !