విశ్వేశ్వర వర్మ భూపతిరాజు " రవ్వల గీత " (రవ్వల ప్రక్రియ )ఎం. వి. ఉమాదేవి ;

తెలుగు సాహితీలోకంలో అనేక ప్రక్రియల ప్రవేశం ఇటీవల కాలంలో ఎక్కువయింది. వాటిలో నిలదొక్కుకొని రాశిలో వాసిలో దిట్టముగా నిలిచిన అర్ధవంతమైన ప్రక్రియల్లో "రవ్వలు "ఒకటి !
    నాలుగు పాదాల రవ్వలు ప్రక్రియలో, మూడు పాదాలు విషయనిర్దేశం తో... కాస్త ఎడం గా నాలుగో పాదం రవ్వల్లే మెరిసి ఆలోచన లో పడేస్తుంది ఆఁహాఁ అనేలా !
   
రవ్వలు నియమాలు 
3 పాదాలు మొత్తం ఒక యూనిట్‌గా చెప్పి
కొంచం ఎడంగా 4 వ పాదం
చక్కని ముగింపు పలకాలి
అదే " రవ్వ  "
4 వ పాదం చాలా ముఖ్యం !
3 వ పాదం తరువాత గీత,
అలాగే 4 వసాదం ఆరంభంలో గీత తప్పని సరిగ రావాలి!
అంశాలపరిధిలో ఇమడని ఈ రవ్వలు ఎటువంటి శీర్షిక కైనా సమన్యాయం చేస్తూ విషయాలు వివరించగలవు. సాంఘిక, సాహిత్య భావాలే కాకుండా భక్తి మార్గం లో కూడా మెరిపించిన ప్రయత్నం ఈ రవ్వల గీత ! రచయిత ఈ విధానంలో సఫలీకృతులైనారు. వేల శ్లోకాలను కొద్దీ రవ్వల్లో ఇమిడ్చిన గీతాసారము భవ్యము దివ్యము అనిపిస్తుంది. వారి పరిచయస్తులు గొప్ప పదవుల్లో ఉన్న మహానుభావుల అభిప్రాయమూ ఇదే ! వ్యవస్థ గురించి, వ్యక్తి వికాసం పట్ల ఆసక్తి తో మెలగాల్సిన ఈ సమయం లో ఈ రవ్వలగీత ఆణిముత్యం !
    లక్షణమైన మహా గీతా  యోగసారాన్ని, నిగూఢమైన అనంతశక్తినీ, ధర్మసూత్రాన్ని, కర్తవ్య బోధననూ ఈ రవ్వల ప్రక్రియ లో వర్మ గారు అలతి పదాలతో వివరించారు !
    మచ్చుకు... 226 రవ్వల్లో కొన్ని చూద్దాం.. 
మనసు 
సంకల్ప వికల్పాల 
సంఘాతం..... 
  
     ... నిలకడ అవసరం !

నేనందరికి 
గోచరింపను 
అది యోగ మాయ..... 
   ...... మాయను వీడండి !

పాపనిగ్రహం 
చేత కావడంలేదు 
మోహాన్ని వీడండి....

                ...మోహంవీడితే అదేముక్తి!

చావంటే భయం 
సామాన్యం 
ఇంతకు ముందూ ఉంది....
        ... భయందాన్ని గుర్తుచేయదు !
ధీరునికి 
భయంలేదు 
నిర్భయం కార్యసోపానం.. 
              .... మెట్లెక్కి కర్తవ్యాన్నందుకో !
ఇది నాకు చాలా నచ్చింది. 
నిన్నటి 
తెలియంది 
ఎరుకలోకి రావడం.... 
    ...
 జ్ఞానావిర్భావమే కదా !
అక్షర సత్యమే ఇది అందరికి అర్ధం కానిది. 
పరస్త్రీ వ్యామోహం 
పాలపొంగు 
అమ్మ అనే భావన... 
    ...... చన్నీళ్ళ చిలకరింపు !
అద్భుతమైన రవ్వ ఇది.. గీత నేటికీ నిత్య ఆచరణణీయమైనది !
నిర్గుణము 
 సగుణ మైన
పరమాత్మ తత్వం....
      .... అన్నివిద్యల తలమానికం !

రుచి వాసనలు 
సయ్యాటలాడి 
అలిసిపోతే.... 
   ...... కలిగేది చింత !
అవును మరి అనుభవాలు అన్నీ అయ్యాకే కళ్ళు తెరిపిడి !
    విధి విధానం 
నియమం 
లేకుండా..... 
   ........ గాలివాటు బ్రతుకు !
ఈ భావన భక్తి కే కాదు. సంఘంలో సామాన్యులకి కూడా వర్తిస్తుంది కదా !
    నిందా స్తుతులకు 
చలించని 
భక్తుడే... 
  ...... స్థితప్రజ్ఞుడు !
ఇంకా ఉత్సాహం మిత్రుడు, శోకం శత్రువు అంటూ సహజమైన పదాలతో రవ్వల గీత సూటిగా ఎంతో చెప్తుంది !
ఈ సంపుటి అనేక మంది ప్రశంసలు పొందినది. వర్మ గారి కలం నుండి మరిన్ని చక్కని రచనలు వెలువడాలని ఆశిస్తూ.. 
రవ్వల పోటీలో గెలుపొందిన నాకు ఈ రవ్వల పుస్తకాలు బహుమతి ఇచ్ఛి, ప్రక్రియ సాధనతో బాటూ...  సమీక్షాభాగ్యం కలిగించిన వర్మ గారికి నమస్సులతో... 
  ఎం. వి. ఉమాదేవి 
ఇందుకూరు పేట 
23- 4-2022
చరవాణి.. 7842368534