శివ స్మరణ;-మచ్చ అనురాధ యస్.ఏ.తెలుగు

చంపకమాల 

శిరమున చంద్రవంక ముడి;  చిన్మయరూపుడ భక్తవత్సలా!

కరమున శూలమున్ గలిగి  కాశిని నిల్చిన  విశ్వనాథుడా! 

వరములు నిచ్చె దేవుడవు  ; వాసిగ భక్తులనేలగానుమా!

మొరవిని రావ వేగమున;  మోక్షమొసంగెడి పార్వతీశ్వరా! .

చంపకమాల

హిమగిరి వాస యీశ్వరుడ యిమ్మహి భక్తులు వేడుకొందురే

ఢమర  వినోది నిన్ను మది;  ధ్యానము జేసెరు మౌను లెల్లరున్ 

సుమ శర మన్మధున్నిలన;  స్రుక్కియు భస్మము జేసియుంటివే 

నుమపతి  దేవి పార్వతియు;  నుండక, మన్మథ లోక ముండునే! 

ఉత్పలమాల 

యజ్ఞము చేయ దక్షుడును;  నన్నియు సిద్ధము జేసి కోరికన్

యజ్ఞపు పూజకై శివుని;  నారయ  రమ్మని బిల్వకుండెనే

యజ్ఞము జూచి వచ్చుటకు;  నాదిపరాత్పరి  వేగుదెంచెనే! 

ప్రజ్ఞను జూపి దక్షుడును;  పార్వతి నెన్నియొ భాష లాడెనే! .

చంపకమాల

మనసున బాధ జెందియును;  మానిని దుఃఖము జెందివేగమే

తనువును మంటలందునను దగ్ధము జేసుక  భస్మమాయెనే! 

వినియును పార్వతీశుడును;  విశ్వ పరాక్రమ రుద్రరూపుడై 

తనయుని వీరభద్రునిక  ; దక్షుని ఖండన జేసిరమ్మనెన్ .

===========================================

 మచ్చ అనురాధ

యస్.ఏ.తెలుగు 

జి.ప.ఉ.పా.కుకునూర్ పల్లి, కొండపాక మండలం, సిద్దిపేట జిల్లా.