పెద్దకడబూరు మండల పరిధిలోని జిల్లా పరిషత్ ఉన్నత పాఠశాల, హెచ్.మురవణి లో గణితోపాధ్యాయుడుగా పనిచేస్తున్న ప్రముఖ బాలసాహిత్యవేత్త గద్వాల సోమన్న రచించిన 19వ పుస్తకం 'సుభాషితాలు-ముత్యాల హారాలు' పుస్తకావిష్కరణ రచయిత స్వగ్రామం మొలగవల్లి,,ఆలూరు మండలంలో మొలగవల్లి శాఖా గ్రంథాలయమందు,గ్రంథాలయాధికారి శ్రీ విజయ భాస్కర్ ఆధ్వర్యంలో,సర్పంచ్ శ్రీ జి.మోహన్ రాజు ,ఉప మండలాధ్యక్షుడు శ్రీరాములు,ప్రధానోపాధ్యాయుడు తిరుమలరావు , మరియు పంచాయతీ కార్యదర్శి వెంకట్ నాయుడు చేతుల మీద ఘనంగా జరిగింది.తెలుగు సాహిత్యానికి ముఖ్యంగా బాలసాహిత్యానికి పెద్దపీట వేస్తూ అనతికాలంలోనే 19 పుస్తకాలు రచించడమే కాకుండా జాతీయ, అంతర్జాతీయ స్థాయిలో ఎన్నో అవార్డులు, రివార్డులు అందుకున్న గద్వాల సోమన్నను అందరూ ప్రశంశలతో ముంచెత్తారు.వారి తెలుగు సాహితీ కృషిని,ప్రతిభాపాటవాలను కొనియాడారు . తరువాత రచయిత గద్వాల సోమన్నను ,ముఖ్య అతిథులను దుశ్శాలువా కప్పి పూలమాలలతో సత్కరించారు.కవి గద్వాల సోమన్న మాట్లాడుతూ సాహిత్యంలో బాలసాహిత్యం తక్కువని ,దాని అభివృద్ధి కి అందరూ తమ వంతు కృషి చేయాలని హితవు పలికారు.
ఈ కార్యక్రమంలోమాజీ లైబ్రరీయన్ నీరుగంటి వెంకటేశ్వర్లు,పద్య కవి కె.ఈశ్వరప్ప, రామాంజనేయులు వైస్ సర్పంచ్ రంగన్న,గద్వాల నరసన్న,వీరేంద్ర ,పాత్రికేయులు, పాఠకులు, లైబ్రరీ సిబ్బంది మరియు విద్యార్థులు పాల్గొన్నారు.
addComments
కామెంట్‌ను పోస్ట్ చేయండి