వర్షం వచ్చింది
పిలువని చుట్టంలా
కుండపోతగా కురుస్తుంది
గుండె చెరువయ్యేలా
వాన తడిపింది నన్ను
లోన నా బాల్యం మెరిసింది
తడి తడిగా పొలం మొలకెత్తినట్లు
చినుకుల చిటపటలో
ఒక వరద గీతం పొంగింది
బడికి సెలవిస్తే ఆనందం ఆటైనట్లు
ఊరంటే ఉసికలో నానే వర్షమే
ఇసుకను గిన్నెలుగా చేసిన వాన
సైకత వేదిక ఈత కొలనై ఈదినట్లు
తడి ఉసిక నాలో గొప్ప బాల్యం
ప్రవాహామే ఎదురు నడక నేర్చింది
పిచ్చుక గూళ్ళైనవి ఇసుక పాదాలు
వానలో నేను
ఓ జల గీతాన్నీ పాడాను
ఓ వరద వెల్లువనూ దాటాను
బాల్యం బతుకు తడి అమూల్యం
వర్షం స్నేహాంకురాల హర్షం
వాన బాల్యం పాదముద్రల సంతకం
బాల్యం కురిసిన వర్షంలో
తడిసి మెరిసే ముత్యపు చిప్పన్నేనే
addComments
కామెంట్ను పోస్ట్ చేయండి