రాఖీ పండుగ ...పాట*;- సోంపాక సీత భద్రాచలం8639311050

పల్లవి : రాఖీ ఇదేనోయ్.. రక్ష ఇదేనోయ్

అక్క,చెల్లి;అన్నదమ్ములంతజేరి 

సంతసించు సంబరమిదేనోయ్

రాఖీ పండుగ ఇదేనోయ్....        :రాఖీ:

చరణం1: 

అమ్మలోని అనురాగం

నాన్నతోడ అనుబంధం

అల్లుకున్న మమకారపు హరివిల్లు ఇదేనోయ్

మది మాగాణిలొ కొలువైనమధుర జ్ఞాపకమిదేనోయ్....     :రాఖీ:

చరణం 2: 

చిన్ననాటి అల్లరులు

గిల్లికజ్జాల జగడాలు

గురుతుతెచ్చు కమ్మనైన పాలపుంత ఇదేనోయ్

బంధాలను బాధ్యతలను కాపాడుతు

అందంగా సాగే గుమ్మపాల గురిగ ఇదేనోయ్....     :రాఖీ:

చరణం 3:

కులమతాలను కూల్చేసి

జాతిబేధాలను దాటేసి

కర్మయుగాన్ని నడిపించే

కలగలుపు నావ ఇదేనోయ్

అందరూ నడవాల్సిన తోవ ఇదేనోయ్....       :రాఖీ: