ఆనంద పానం;-డా.పి.వి.ఎల్.సుబ్బారావు.9441058797.

బాల పంచపదులు
==============

1. కోకిల ఆలపించే గానం!
మనకు ధర అమృత పానం!
గురువు నేర్పని సంగీతం!
కోయిల ఒక్కదానికే సొంతం!
కోకిల గానం ,
ఆనందపానం, రామా!

2. మావికొమ్మ ఊగే కోయిల!
సప్తస్వరాల నవ్యపాఠశాల!
జగమంతా తడిసే నవరసాల!
వసంతమైనా తలఊపాలా!
కోకిల గానం ,
ఆనంద పానం, రామా!

3. కోకిలపాట ,నెమలిఆట!
పూలతోట, వెన్నెలఇంట!
ఉంటే మనం ప్రతి పూట!
బతుకు ఆనందాల కోట!
కోకిల గానం ,
ఆనంద పానం ,రామా!

4. మేని రంగు నల్లటి నలుపు!
నోట పొంగు కమ్మటి పిలుపు!
ఆమె కూసిదంటే కాసేపు!
సంగీతమే తెరుచు తలుపు!
కోకిల గానం ,
ఆనంద పానం ,రామా!

5. కాసుకోరని కళాకారిణి!
వేదిక అడగని విద్వన్మణి!
గానమా అమృతవర్షిణి!
సరిలేని ఓసంగీతకర్షిణి!
కోకిల గానం,
ఆనంద పానం ,రామా!
_________