ఉత్సాహం ఉరకలు!;-డా.పి.వి.ఎల్.సుబ్బారావు.9441058797.

 బాల పంచపదులు
=============
  1. సీత ,
         కోరకుంటే బంగారు జింక!
    రామ కథ ,
                సాగేది మరో వంక!
     రాముని ,
            పరిగెత్తించిన ఆ జింక!
    రామునికి ,
              చూపించింది  లంక!
 జింకల్లా,
    ఉత్సాహం ఉరకాలి, రామా!
2. మారీచుడి రూపం జింక!
    రాముడి బాణం తగిలాక!
   కెవ్వున కేకేసి నేలకొరిగాక!
   తీరేగా అతని నిజ కోరిక!
జింకల్లా,
 ఉత్సాహం ఉరకాలి, రామా!
3. పాండురాజు ,
               వేటాడిన జింకలు!
  అతనికి ఇచ్చె,
                     ఘన శాపాలు!
  అయ్యే ,
  కుంతి వరాలు సార్ధకాలు!
  పాండవుల ,
               ఆవిర్భావ కారకాలు!
 జింకల్లా ,
    ఉత్సాహం ఉరకాలి ,రామా!
4. వనాలకు ,
                  అందాలు లేళ్లు!
   పరుగులు చూడు ,
                దూకే సెలయేళ్లు!
   బెదురు చూపుల ,
                      ఆ సోగకళ్ళు!
  మనల్ని ,
               కట్టిపడేసే సంకెళ్లు!
జింకల్లా ,
   ఉత్సాహం ఉరకాలి, రామా!
5. జింకల వేటలు పోవాలి!
    జింకల రక్షణ జరగాలి!
   జింకల పార్కులు పెరగాలి!
   పిల్లలు చూసి మురియాలి!
జింకల్లా ,
   ఉత్సాహం ఉరకాలి, రామా!
6. జింకల్లా ,
               పరుగులు తీయండి!
   చిలకల్లా,
               పలుకులు పలకండి!
   ఉడతల్లా ,
               సాయానికి ఉరకండి!
  ముచ్చటైన పౌరులు,
                          మీరే కదండీ!
  జింకల్లా,
    ఉత్సాహం ఉరకాలి, రామా!
_________