బాగుంటది ;- డా.గౌరవరాజు సతీష్ కుమార్.

 బాగుంటది బాగుంటది బాగుంటది 
మనమంతా ఇలా చేస్తే బాగుంటది
!!బాగుంటది!!
పక్షులై నింగిలోన ఎగురుతుంటె
చేపలై నీటిలోన ఈదుతుంటె
కోతులై చెట్లపైన దూకుతుంటె
!!బాగుంటది!!
పాపలై పిట్టగూళ్ళు కట్టుకుంటె
తుమ్మెదై పూలపైన వాలుతుంటె 
చిలుకలై దోరపండు కొరుకుతుంటె
!!బాగుంటది!!
మబ్బుల్లో హాయిగా తేలుతుంటె
చుక్కల్లో కచ్చకాయలాడుతుంటె 
చందాయిపైన మనం ఆటలాడుతుంటె 
!!బాగుంటది!!