అమ్మభాష;--సాహితీసింధు సరళగున్నాల

ఆ.వె*అమ్మ పలుకులోన నమృతమ్మును నిలిపి

మాటలాడనదియె మూటయగును

పరుల భాష పలుక  భావ లోపమ్ముయే

నిండుచుండు నండనుండబోదు

ఆ.వె*తేనెలొలుకు భాష తీయందనమ్ముయే

పలుకులోన తీపి పరుగులిడును

భాషలన్నినేర్వు భాషించు తెలుగులో

తెలుగుకన్న మిన్న వెలుగులేదు

మ.కో*వత్సరమ్మున కొక్కమారుగ

భాషనాడిన చాలదే

మత్సరమ్మును మానుచుండిక

మాటలాడుముతెల్గులో

తత్సరమ్మును జేయబోకుము

దండిగామన భాషకున్

తత్సమమ్ముగ లేదునేదియు

దండిగాడుము నాంధ్రమున్