చీకటి వెలుగులు;-కొప్పరపు తాయారు;-సెల్ ; 9440460797

                వెలగాలని వెలుగు నవ్వింది

              ఉప్పొంగిపోయింది తననుతాను

             దాచుకోను తరగని కష్టం

             చీకటి గర్వంతో విర్రవీగుతోంది

                 ఎదురు లేదని!!

            వెలుగు నవ్వింది నేను ఉంటే కదా

            నీకా జోరు నేను లేక నీవు లేవు

            ఇది సత్యం, అనునిత్యం!!

            చీకటి వెలుగుల స్నేహమా కయ్యమా!!

            తెలియ కుంది ఈ చిన్ని హృదయానికి

            తెలుసుకుందామని ప్రయత్నం

            కానీ సఫలీకృతం అగునా?

            

            వెలుగు విజృంభించు సర్వదిక్కుల

            చిరుకంత స్థలములో సంతోషాలు

            పంచు సకలముల వెలుగుగా

            వెలగాలని కోరిక!!!

             కానీ కానీ చీకటి కమ్ముతోంది.

             పెను భూతంలా పెరిగి వెలుగును

             కబళిస్తోంది కడుపులో దాచుకోను

             కడు దుర్మార్గపు చర్య తో, కలుషీకృతం

             అవుతోంది ఆలోచన!!

              ఏమిటిది, చెబుదామంటే చీకటి వెలుగులు

              జంట పదాలు తోడు నీడలా కానీ

              తారతమ్యాలు భూమ్యాకాశాలు

              అంతులేని అనంతమైన యక్ష ప్రశ్న

              ఎలా మరీ!!!