రాతతో తృప్తి;--- యామిజాల జగదీశ్

రాయడంలో ఓ తృప్తి

ఉంటూనే ఉంటోంది

ఉంటుంది కూడా

బాధో

దుఃఖమో

సంతోషమో

ఏదంటే అది

కుమ్మరించొచ్చు

రాతకోతలతో....

ఏదైనాసరే

ఎవరినైనాసరే

నేరుగా కనిపించినప్పుడు

చెప్పలేనివి

రాతలతో చెప్పేయొచ్చు

ఎవరిని ఉద్దేశించి

ఈ మాటలంటున్నానో

చదువుతున్నోళ్ళు

ఆలోచనలో పడొచ్చు

అయోమయంలో పడిపోయేంతగా

రాసేయొచ్చు

ఇందువల్ల ఏం లభిస్తుందని

ప్రశ్నించుకుంటే

ఏమీ లేదనే అంటుంది మనసు

ఎవరికీ 

కీడు 

అపవాదు 

కలిగించని 

ఈ రాతల వల్ల 

ఓ అల్ప సంతోషం మాత్రమే

ఎందుకంటే 

రాయడంలో ఓ తృప్తి ఉంటోంది