గజల్; లత శ్రీ

శిశిరంలో నిశి రాజులా

 నవ్వుతుంది నా మనసే/

ఇంద్ర చాప వర్ణాలను 

చూపుతుంది నా మనసే//

పోదోటన పరిమళాలు

 నా కవనపు కుసుమాలూ/

తేనీయల తీపి తోటి

 జోగుతుంది నా మనసే//

ప్రతి మదినీ చిరు చినుకుల 

సవ్వడితో ముద్దాడును/

జలపాతపు హోరులుగా 

మోగుతుంది నా మనసే//

తూనీగల ఝుంకారం

 నా అభిమత ప్రకంపనలు/

మయూరమై పరవశించి 

ఆడుతుంది నా మనసే//

 సాహిత్యపు గగనంలో

 కలియ తిరుగు విహంగాలు/

 కూనలమ్మ రాగాలే

 పాడుతుంది నా మనసే//