నీవే నా వెన్నెల నక్షత్రం;-: ది పెన్.
 ఈరోజు ఎలాగైనా కలుద్దాం రా..చాలా రోజులైంది..చూడాలని ఉంది..సంతోష్ వాట్సప్ లో పంపిన ఈ మెసేజ్ చూడగానే స్వప్న ఆనందానికి అవధులు లేవు.‌.తప్పకుండా కలుద్దాం..నిజానికి నేనే అడుగుదామనుకుంటున్నా..ఈ లోగా నువ్వే అడిగేశావ్..ఎలా‌రా అసలు..నా మనసులో ఏముందో ఇట్టే కనిపెట్టి, సరిగ్గా నేనేమనుకుంటానో అదే చెబుతావ్, అదే చేస్తావ్..అందుకేనేమో నువ్వంటే ఇంతలా పడిచస్తున్నారా బాబు..అంటూ సమాధానం ఇచ్చేసింది..సరే అయితే సాయంత్రం మనం‌ ఎప్పుడూ కలుసుకునే చోటుకి వెళదాం..సిద్ధంగా ఉండు..అని సంతోష్ చెప్పడంతో క్షణాలు యుగాలుగా ఆ సమయం కోసం ఎదురుచూస్తోంది స్వప్న..
సాయంత్రం అయ్యింది..ఇద్దరూ కలిసి చల్లగాలిని ఆస్వాదిస్తూ వాహనంపై ఊరు చివరకు సాగిపోతున్నారు..ఆ దారిలో అవకాశం వచ్చినప్పుడల్లా సంతోష్ చేసే చిలిపి పనులకు లోలోన తన్మయత్వం చెందుతున్నప్పటికీ పైకి మాత్రం "నీ చేతులస్సలు కుదురుండవా..ఎవరైనా చూస్తే పరువు పోతుంది..ఆ పని‌ మానేసి ముందు రోడ్డు చూసి నడుపవా ప్లీజ్" అంటూ సిగ్గుతో కూడిన భయాన్ని వ్యక్తం చేస్తోంది స్వప్న..
కాసేపటికి చీకటి‌పడిపోయింది..సరిగ్గా అప్పుడే వారూ గమ్యానికి చేరుకున్నారు..ఆ రోజు‌ మాత్రం ఆ ప్రదేశం చాలా అందంగా కనిపిస్తోంది..చుట్టూ వెన్నెల పరుచుకుని ఉంది..చల్లగాలి హాయిగా ఒంటికి తగులుతోంది..అప్పుడు గుర్తొచ్చింది వారికి ఆ రోజు నిండు పౌర్ణమి అని..ఇద్దరూ ఒకేసారి ఆకాశంలోకి చూశారు..నక్షత్రమాల దగదగా మెరిసిపోతోంది..ఆ ప్రకాశంలో స్వప్న పాలరాతి శిల్పంలా కనిపిస్తోంది సంతోష్ కి..
ఎంత అందంగా ఉందో కదా ఈరోజు వాతావరణం..అంటూ సంతోష్ భుజాలపై తలవాల్చింది స్వప్న..ఆమె నుదురును ముద్దాడుతూ..నీ కన్నా కాదులే రా..అంటూ గట్టిగా హత్తుకున్నాడు సంతోష్..ఆకాశంలోకి చూస్తూ ఎన్నో కబుర్లు చెప్పుకుంటున్నారిద్దరూ..ఆ‌ మాటల మధ్య స్వప్న కళ్లల్లో నుంచి వస్తున్న వేడి కన్నీరు సంతోష్ ని కలవరపాటుకు గురిచేసింది.. ఆమె కళ్లలోకి చూస్తూ ఏమైంది రా..ఏంటీ కన్నీరు..అని అడిగాడు.." ఏం లేదురా..ఆకాశంలో ఆ చందమామను చూడు..నక్షత్రాలను ఎప్పుడూ తన పక్కనే పెట్టుకుంటుంది..మనం కూడా ఎప్పటికీ అలానే ఉంటామంటావా..ఉండగలమంటావా..నాకైతే‌‌ నీతో ఇలా‌నే ఉండాలని ఉంది..ఈ క్షణం ఇలా‌ ఆగిపోతే ఎంత బాగుంటుందో కదా అనిపిస్తోంది"...అని స్వప్న అంటుంటే సంతోష్ కళ్లల్లోనూ నీళ్లు తిరిగాయి..
"నా గుండె ఆకాశంలో నీవే వెన్నెల నక్షత్రానివి..అమావాస్య చీకటిలోనైనా ఆ చంద్రుడు నక్షత్రాలను వదిలివెళతాడేమోగానీ..నా ఊపిరి ఉన్నంత వరకూ నీకు నేను దూరం‌ కాను..ఒకవేళ మన‌ తనువుల మధ్య ఎడబాటు వచ్చినా..మనసులు ఒకే చోట పెనవేసుకుని ఊసులాడుకుంటాయి.. కాలం..మనుషులు‌‌ మనల్ని వేరుచేసినా..నా హృదయం నీ చెంత..నీ హృదయం నా చెంత శాశ్వతంగా పెనవేసుకునుంటాయి..ఇది బ్రహ్మ రాయని రాత..మన ప్రేమ గీసిన గీత." అంటూ తన ఒడిలో తలవాల్చిన స్వప్నకు ఓదార్పునిస్తూ..ఆకారంలోకి  చూస్తూ ప్రాణాలొదిలేశాడు సంతోష్..అప్పటికే కన్నుమూసిన స్వప్నను నక్షత్ర మాలలో కలుసుకోవాలని.!

కామెంట్‌లు
THE PEN చెప్పారు…
మొలక..నిర్వాహకులకు కృతజ్ఞతలు.
Popular posts
తల్లి గర్భము నుండి ధనము తేడెవ్వడు--ఎం బిందుమాధవి
చిత్రం
కవిత నా తోడు;- యలమర్తి అనూరాధ-హైదరాబాద్ -చరవాణి:924726౦206
టక్కరీ టిక్కరీ నక్క - గంగదేవు యాదయ్య
చీర కట్టుకు ఫిదా అయిపోయా!--ప రికిణీ ఓణీలో కనిపించే అమ్మాయిలంటే ఎంతిష్టమో అంతకు రెట్టింపిష్టం చీరకట్టులో ముస్తాబైన మగువను చూడాలంటే. చీర మాట స్ఫురణకు వచ్చినప్పుడల్లా ఎప్పుడో ఎక్కడో నేను రాసుకున్న కవితొకటి గుర్తుకొస్తోంటుంది.... "నువ్వు చీరలో వస్తుంటే దారిపొడవునా నిన్ను చూసిన వారందరూ శిలలై నిల్చుండిపోయారు! చీరను కట్టుకున్న సంతోషం నీ ముఖంలో చూసాను! నిన్ను కట్టుకున్న సంతోషం చీరంతటా చూసాను! ఇంకా ఎందరి హృదయాలను లేలేత దూదిపిందలల్లే మార్చబోతున్నావో కదూ నీ చీరకట్టులోని అందమైన నవ్వుతో!! చాలమ్మాయి, చాలిక, ఇక లేదు నా దగ్గర కోల్పోయేందుకు మరొక హృదయం....!! నీ చూపులు చీరందంతో పోటీ పడి జరిపే నాటకానికి కిందా మీదా అయిపోయేది నా హృదయమేగా!! అర క్షణంలో పడిపోతాను చీరకట్టులో నిన్ను చూసినప్పుడల్లా!! ఎందుకిలా అనుకుంటున్నానో తెలుసా నీకు నన్ను నేను మరచి...? నేను నాదేనని అనుకున్న మనసుని నీ చీరకట్టుతో నీ వెంటే తీసుకుపోతున్నావు అప్రమేయంగా!! అంతెందుకు ఓమారడిగావు గుర్తుందా "ఈ చీర నాకు బాగుందాని?" అప్పుడు నేనిలా అన్నాను... "బాగుండటమేంటీ, చీర కట్టులో మాత్రమే నీ అందమంతా అందిస్తున్నావు నాకు" అని! అవును, చీరకున్న శక్తి,.ఆకర్షణ అలాంటిది! శ్రీమతి జ్యోతి వలబోజు గారి ప్రేరణతో "సరదా శతకం"గా బ్నింగారు పాఠక లోకానికి అందించిన "చీర పజ్యాలు" మళ్ళీ చదివానిప్పుడు. పరికిణీ మీద కవితలు రాసిన "పరికిణీ వాలా" తణికెళ్ళ భరణిగారు "చీరని ఉతికి ఆరేయకుండా, చీరని చిరాకు పడే వాళ్ళని ఉతికి, చీరకి కుచ్చిల్లు పెట్టిన బ్నింగారికి "త్రీ ఛీర్స్" అనడం పట్టుచీరకున్నంత అందంగా ఉంది.బ్నింగారు మాటలతో మురిపిస్తారు. మరిపిస్తారు. ఓసారి ఆయనతో పరిచయమైతే మళ్ళీ మళ్ళీ ఆయన మాటలు వినడానికి మనసు ఉవ్విళ్ళూరుతుంంటుందనడం అతిశయోక్తి కాదు. తల్లావజ్ఝల లలితాప్రసాద్ దగ్గర ఫోన్ నెంబర్ తీసుకున్న మరుక్షణమే బ్నింగారికి ఫోన్ చేసి అడ్రస్ అడిగి వారింటికి కలియడంతో మా మధ్య పరిచయం శ్రీకారం చుట్టుకుంది. అదిప్పటికీ హాయిగా ఆనందంగా కొనసాగుతోంది."చీరపజ్యాల" రచనా శతకానికి శతక లక్షణమైన "మకుటం" లేనందువల్ల దీనిని శతకమనలేమని, కనుకే "సరదా శతకం"గా బ్నింగారు పద్యాల నడకను చదివి తరించవచ్చన్న డా. అక్కిరాజు సుందర రామకృష్ణగారి మాట అక్షరసత్యం."ఫెమినిస్టుని కాదుగానీ ఫెమిన్ ఇష్టున్ని అని చెప్పుకున్న బ్నింగారికి స్త్రీత్వం మీద విపరీతమైన ఇష్టమూ! గౌరవమూ!! చీరలంటే ఇష్టమున్న బ్నింగారు తమ ముందుకు అమ్మాయిలు మోడ్రన్ డ్రస్సులు వేసుకుని రావడానికి భయపడేలా మాత్రం నిక్కచ్చిగా చెప్పేస్తారు. తన సరదా శతకంలో కొన్ని పద్యాలు పేలాయని, కొన్ని పెట్రేగాయని చెప్పినప్పటికీ చీరందంలోని సొగసుని చాటి చెప్పడానికి బ్నింగారి శైలితో, భావంతో ఏకీభవించని వారుండరు. "బాపూ రమణల సినిమాల్ చూపెట్టును తెలుగుతనము జూమ్ షాట్లలోఆ పిక్చర్లో తరచుగ ఓ పాటనొ సీనులోనొ ఒదుగున్ చీరే!" అంటూ మొదలుపెట్టిన చీరపజ్యాల శతకాన్ని "చీరలపై శతకాన్ని వెరెవ్వరు రాయలేదు వింతే కాదా వారెవ్వా! నా బ్రైన్ లో ఊరించే చీర మడతలున్నా యింకాన్" తో ముగించారు.. ఇందులోని ప్రతి పద్యమూ చదివి ఆర్థం చేసుకోవడానికి శబ్దరత్నాకరమో శబ్దార్ద చంద్రికో లేక మరే నిఘంటువో అవసరం లేదు. అన్ని మాటలూ మన చుట్టూ మనతో మనలో ఉన్నవే. కనుక వాటిని చదువుతున్న కొద్దీ చీరకట్టుకున్న ప్రాధాన్యం విదితమవుతుంది. వారంరోజుల్లో ఈ చీర శతకాన్ని బ్నింగారు నేసిన సమయంలో రెండు సార్లు బ్నింగారిని కలిశాను. ఈ పుస్తకం ఇన్ సైడ్ కవర్లలో ఆయన వేసిన రెండు కార్టూన్లను వేస్తున్నప్పుడు ఎదుటే ఉన్నాను.వాటిలో ఒకటి - "అరుస్తారెందుకు? నా కన్నా చీరలే మీకిష్టం కదా....కులకండి! అంటూ చీరల ట్రంకుపెట్టెలో ఉన్న భర్తతో భార్య చెప్తున్నటువంటి ఈ మాటలు బలే పేలాయి. ఇక రెండో కార్టూనుకి "చీరలు కొనమని భార్యలు / ఊరకనే కోరబోరు - ఉందురు ఓర్పున్ / వారల అవసర మెరిగియు / మీరే తెచ్చివ్వ వలయు మేలగు నేస్తం" అంటూ అందించిన పద్యం మజాగా ఉంది.ప్రతి పద్యంలోనూ బ్నింగారు పలికించిన భావం "చీరకట్టులో ముచ్చటగా, ముద్దుగా కనిపించే సొగసైన కన్యలా" ఉంది.చీరలపై పుట్టిన సాహిత్యంలో, ముఖ్యంగా జానపద సాహిత్యంలో చీరందాలను ఎంతలా అభివర్ణించారో అందరికీ విదితమే."చుట్టూ చెంగావి చీర కట్టావే చిలకమ్మా" అని ఒకరంటే "కిన్నెరసాని వచ్చిందమ్మా వెన్నెల పైటేసి...." అని మరొక కవి మాట. అయితే ఇంకొక కవి "జ్యోతిలక్ష్మి చీర కట్టింది, చీరకే సిగ్గొచ్చింది...." అనడం ఎంత బాగుందో కదండీ. చీరంటే మాటలా! కనుక చీర పజ్యాలనొక్కసారైనా ప్రతి ఒక్కరూ ముఖ్యంగా స్త్రీలు చదివితే బాగుంటుందని నా మాట.- యామిజాల జగదీశ్
చిత్రం
సగటు మనిషి ఆవేదన- సాహితీ సింధు, పద్య గుణవతి సరళగున్నాల