*"కుమార శతకం " - పక్కి లక్ష్మీ నరసింహ కవి - పద్యం 023*

 కందం:
*తనకు విద్యాభ్యాసం*
*బును జేసినవానికన్న బొలుపుగ ఁబదిరె*
*ట్లును దూగు దండ్రి, వానికి*
*జననీయుఁ బదిరెట్లు ఁదూగు జగతిఁ కుమారా !*
తా:
కుమారా! ఈ భూమి మీద నీకు చదువు చెప్పిన గురువు కంటే నీ తండ్రి పది రెట్టు గొప్పవాడు. వీరిద్దరి కంటే పది రెట్లు గొప్పది నీ తల్లి....... అని పక్కి లక్ష్మీ నరసింహ కవి చెపుతున్నారు.
*భావం:*
*ప్రకృతీ పురుషులు, తల్లిదండ్రులు అనే వారు లేకపోతే ఈ భుమి మీద మనం లేము. ఇది సత్యం. ఇదే సత్యం. మన జీవితం ముందుకు సాగడానికి ముఖ్యమైన వ్యక్తి, మనకు పాఠాలు నేర్పే గురువు. ఈ గురువు కంటే కూడా తల్లి పాత్ర ముఖ్యమైనది. తల్లి లేకపోతే తండ్రి లేడు. వీరిద్దరూ లేకపోతే మనంలేము. మన ఉనికికి మూలం తల్లి. అందుకే "తల్లి నిజం. తండ్రి నమ్మకం" అన్నారు పెద్దలు. మన జీవితానికి అతి ముఖ్యమైన తల్లిదండ్రుల ప్రాముఖ్యతను గుర్తించి, వారికి ఇవ్వ వలసిన మర్యాద ఇస్తూ, జీవిత గమనాన్ని చక్కని దారిలో సాగించే సదవకాశాన్ని కలిగించమని....... కలియుగ ప్రత్యక్ష దైవం, అలన్మేల్మంగా పద్మావతీ సమేత వేంకటేశ్వరుని ప్రార్ధించుకుందాము.*
*శివో రక్షతు! శివో రక్షతు!! శివో రక్షతు!!!*
..... ఓం నమో వేంకటేశాయ
Nagarajakumar.mvss