పాపం...పడతి;-డా.నీలం స్వాతి,చిన్న చెరుకూరు గ్రామం,నెల్లూరు.6302811961.
 ఏ ఇంటిలోనైనా ఈనాడు జరుగుతున్న మొదటి పని కాఫీ. అది లేకపోతే మిగిలిన ఏ పని చేయడానికి మనసు రాదు. లేచీ లేవగానే చక్కటి  కాఫీ గొంతు దిగితే అప్పుడు  మెదడు పనిచేయడం ప్రారంభిస్తుంది  గృహిణి లేవగానే  ఆ పని మొదలు పెట్టే  ప్రయత్నంలో ఉంటుంది  అప్పటికే పెద్దవారైన అత్త, మామ ముందుగా లేచి అత్త కేక వేస్తుంది ఏమే మావయ్య గారికి కాఫీ తాగందే ఏమి తోచదమ్మ  కొంచెం త్వరగా తయారై  కొంచెం కాఫీ పెట్టరాదూ అంటూ గృహిణికి కేకలు వినపడుతాయి. తాను ముందు స్నాన సంధ్యలు చేయకుండా ఏ పని చేయడానికి మనస్కరించదు.  మరి ఒక్క నిమిషం ఆలస్యమైనా గాని మిగిలిన వారు ఉపేక్షించలేరు. నిజానికి ఇది జటిలమైన సమస్య  వీటిలో ఏ ఒక్కరిని తప్పు పట్టడానికి వీలు లేదు  కారణం అది అలవాటైన విషయం  అది తప్పని అలవాటు.
కాఫీ కలపడానికి వెళ్ళిన గృహిణికి మొదట ఎదురయ్యే ప్రశ్న  ఎవరికి కాఫీ ఎలా కలపాలి. అత్తమామలో  మధుమేహ వ్యాధిగ్రస్తులు  వారికి పంచదార వేయకూడదు  మామయ్య గారు మామూలుగా తాగేస్తారు తప్ప  అత్తయ్య గారు మాత్రం కొంచెం ఉడుకుతుంది. చూడమ్మా ఇది కాషాయంగా చేదుగా ఉంది తాగలేక చచ్చిపోతున్నాను కొంచెం పంచదార వేయరాదూ అని ఎంతో నమ్రతగా అడిగినట్లుగా నటిస్తుంది  కనుక సక్రిన్ (saccharin) తీసుకొచ్చి కలిపి  పంచదార అన్నట్లుగా ఆమెకు భ్రమను కల్పిస్తూ  ఆమెకు కాఫీ ఇస్తుంది. తన భర్తకు అటు ఎక్కువ కాకూడదు ఇటు తక్కువ కాకుండా  సరిపడా వేయాలి  ఆయనకి ఎలా ఉంటే సరిపోతుందో  ఈవిడకి ముందే ఎలా తెలుస్తుంది  రెండు మూడు సార్లు అనుభవం అయిన తర్వాత కదా విషయం తెలిసేది.
ఇంక పిల్లల విషయానికొస్తే   చిన్ను అసలు పేరు సాయి వేమన్  చిన్నపిల్ల హనీ  అసలు పేరు కార్తీకా మరి ఆడపిల్ల అంటే గృహిణికి కొంచెం ఇష్టం ఎక్కువ ఉంటుంది కదా. అందుకని కొంచెం పంచదార ఎక్కువ వేసి కలిపితే  చిన్ను  అదేమిటి  చెల్లికి అలా కలిపి నాకు ఇలా కలిపావు అని పేచి.  సరే కాఫీ వద్దు లేరా  పాలు తాగు అని అంటే  నేనేమైనా చంటి వాడిని అనుకుంటున్నావా  పాలు తాగే వయసేనా నాది అని ఎదురు పోట్లాడడం వారిద్దరూ ఒకరి మీద ఒకరు చాడీలు చెప్పుకుంటూ ఒకరినొకరు కొట్టుకుని తిట్టుకొని  హాయిగా ఆనందిస్తూ ఉంటారు కానీ  ఎవరైనా బయట వారు కానీ వారి అమ్మానాన్న కానీ  ఏమైనా అంటే వాళ్ళు ఇద్దరు ఒకటై పోతారు ఇలాంటివి ప్రతి కుటుంబంలో అందరికీ అనుభవంలోకి వచ్చే విషయాలే అయితే దానిని  అక్షర రూపంలో పెడితే  దాని ప్రభావం వేరుగా ఉంటుందని ఈ ప్రయత్నం చేస్తున్నాను  మరి ఇది చదివిన తరువాత అయినా గృహిణికి సామూహిక గౌరవం ఇస్తారని  ఆశిస్తున్నాను....  ఇస్తారు కదా మరి.


కామెంట్‌లు
Popular posts
సింగపూర్ లో యలమర్తి అనూరాధకు సన్మానం
చిత్రం
తెలంగాణ సారస్వత పరిషద్ ఆద్వర్యం లో తొలి బాల సాహిత్య సమ్మేళనం
చిత్రం
దగ్గు , ఆయాసం,పిల్లి కూతలు - నివారణ ------------------------------------------------------- పిల్లల్లో జలుబు, దగ్గు, ఎక్కువైనప్పుడు ఊపిరి తిత్తుల్లోని శ్వాస మార్గాలు ముడుచుకు పోయినప్పుడు శ్వాస వదులుతున్నప్పుడు శబ్దం వస్తే దాన్ని పిల్లి కూతలు అంటారు. దీనికి ఉబ్బసం కూడా ఒక కారణం కావచ్చు. వైరస్ బాక్టీరియా , కారణంగా శ్లేష్మపు పొరలు వాచిపోతాయి. దాని వల్ల గురక వస్తుంది కఫం వాలా జ్వరం కూడా రావచ్చు. చిటికెడు పిప్పళ్ల చూర్ణంలో తేనే వెచ్చని నీటిలో కలిపి తాగిస్తే కఫ జ్వరం తగ్గిపోతుంది పిప్పళ్ల పొడిని పాలతో కలిపి తాగిస్తే ఉబ్బసం తగ్గి పోతుంది. పిప్పళ్ల పొడితో బెల్లం కలిపి తినిపిస్తే దగ్గు, ఉబ్బసం తో పాటు రక్తహీనత కూడా నివారించ వచ్చు. - పి . కమలాకర్ రావు
చిత్రం
ఆడపిల్ల అంటే అర్థం!! ప్రతాప్ కౌటిళ్యా
చిత్రం
చిత్రం ; ఇమ్రాన్--7వ తరగతి
చిత్రం