పుస్తకం నా బతుకు చిరునామా;-డా.టి.రాధాకృష్ణమాచార్యులు-9849305871.

బతుకు ఊపిరి అక్షరమై 

నా గుండెలో మొలకైంది

పలక బలపం చేతిలో ఆడుకోవడం

అప్పుడు కొత్త ఆట అది

మెదడులోకి ఎక్కి 

సజీవంగా

అంతరంగంలో ప్రవహించడం 

ఓ జీవ కళగా వెలిగే బతుకు కళ

నెమలీక అక్షరాలను

దాచింది పుస్తకాల్లో వరుసలుగా

ఆ లైన్ల మధ్యగల సాహిత్య రసాత్మకతను జుర్రుకొమ్మంది

పుస్తకం చదివి కొత్తగా జ్ఞానం పొంది

జీవించమంది మంచి విజ్ఞానంతో

పుస్తకం మనిషికి చిరకాల నేస్తం

నాకైతే పుస్తకం బతుకు చిరునామా

సర్వజ్ఞాన సంగమ సంతృప్తి నిచ్చు

బీజాక్షరాల పేజీల పొత్తం