ప్రబోధ గీతం :-నింగినవ్వుతోంది; -- కోరాడ నరసింహా రావు !

సాకీ :-

       నీవే  గొప్ప వాడ వనీ .... 

  నిన్నుమించి ఈ ఇలలో... 

    ఏ ప్రాణీ  లేదనీ...  కన్ను - మిన్ను గానక, విఱ్ఱవీగు 

          ఓ మనిషీ.... !

పల్లవి :-

    నింగి నవ్వుతోంది, నేలనవ్వు

తోంది... నీరునవ్వుతోంది, గాలి నవ్వుతోంది, ఓ మనిషీ... !

         నీ అజ్ఞానం చూసీ... !! 

       " నింగి నవ్వుతోంది.... "

చరణం :-

    ఏమిటి నీ గొప్ప ? నువ్వెవరి కన్న ఎక్కువ.... 2

  గాలి, నీరు లేకనీవు క్షణమైనా 

 బ్రతుకగలవా.... !

       " ఏమిటి నీ గొప్ప.... "

     నీకు ఆధార భూతమైన నేల తల్లికే,ఆధారభూతుడుఆఆకాశ

 తండ్రి.... !

    ప్రకృతి కరుణా కటాక్ష దయా

ధర్మ భిక్షతో బ్రతుకుతున్న నీ కెం దుకు ఇంత గర్వము... 

        ఇంత గర్వము.... !

     " నింగి నవ్వుతోంది.... "

చరణం :-

    మట్టి, చెట్టు...సూర్య, చంద్రా

దులకు, ఇతరులకిచ్చుటే గాని 

తిరిగి తీసికొనుట తెలియదు. 2

ఆత్యాగమునలవరచుకొనుము 

నీ స్వార్ధమును వీడుము.... 2

  అహంకారమును వదలి... 

 ఐకమత్యమున కూడి... 

   హాయిగా నీవు సుఖించు... 

  ఈ జగతికి ఆనందం పంచు 

      ఆ నందం   పంచు... 

   ఆ నందం పంచు.... !!

        *******