పంచ పుష్ప సౌరభాలు.;-సంధ్య శకుంతల గోళ్లమూడి

గులాబి-1

గురుతులు చాలా నినుగన

మరుపులు లేవే కనుగొన,మనసుకు రోజా!

పరుగులు బెట్టే వయసున

మురిపము గాదే  నినుగొని మధుమతి కివ్వన్.

మల్లె-2

సరసపు వేళన్ నీవే

సరిగను తూగుచు నిలిచెడి సమముయు గాదే

పరిమళ  కుటజము నీవే

పరిపరి గాథలు దెలుపును పలుకులకులుకే

జాజి-3

పరిమళము నకునెల  వేలే

సరియను గుబులును నిలుపుచు సరసపు జాజీ

కరములు తగిలిన చాలే

కురులకు యందం నిలుపుచు కులుకును నీవే.

మొగిలి-4

రంగే పసిడిగ మెరిసెను

ఖంగే దినగ నులివెట్టు కంసలి పొత్తే

చెంగే బట్టను  అతివది

రంగే మారెను  ముఖమున  రంగపు హంగే.

సంపంగి-5

అల్లు కొనంగను నిన్నే

ఝల్లున మదిన తలపుల ఝల్లిక పోదా

చెల్లును పొత్తే నీతో

చెలియకు సంపంగి నూనె చేరగ  సొగసే