ప్రజ్ఞానం బ్రహ్మ(విస్తరించిన పుస్తకం);-యామిజాల జగదీశ్
 ఆధ్యాత్మిక తత్వానికి చెందిన అనేకానేకాంశాలను మహనీయుల దగ్గర సేకరించి వాటికి కావలసిన పరిభాషను చెప్పడం కోసం రామనాథుడి నామధేయంతో పాఠకలోకానికి అందించిన పుస్తకమే ప్రజ్ఞానం బ్రహ్మ. రెండు దశాబ్దాల క్రితం అరచేతిలో ఇమిడేంత చిన్న పుస్తకంలో చెప్పిన వాటికే మరిన్ని కొత్త కొత్త విషయాలను జోడించి సమర్పించారిప్పుడు.
శ్రీరాముడు విద్యాభ్యాసం చేస్తున్న కాలంలో మనసులో క సందేహం వచ్చింది. వెంటనే వశిష్ట మహర్షి ఆశ్రమానికి వెళ్ళి తలుపు తట్టాడు. ఇంత రాతరి వేళ వచ్చిందెవరని ఆశ్చర్యపడ్డాడు వశిష్ఠుడు.
ఎవరూ అని గట్టిగా అన్నాడు. దానికి రాముడు నేనే అన్నాడు.
నేనంటే ఎవరు అని తిరిగి ప్రశ్నించాడు వశిష్ఠుడు.
అది తెలుసుకోవాలనే ఇలా వేళ కాని వేళ తలుపు తట్టాను గురుదేవా అన్నాడు రాముడు. మాటిమాటికి మనిషి నోట నేను అనే మాట వస్తూనే ఉంది. కానీ ఈ నేను ఎవరనేది చిక్కు ప్రశ్నగా చిదంబర రహస్యంగా మిగిలిపోతూనే ఉంది. ముప్పై రెండు వేల శ్లోకాలతో తత్త్వబోధ చేసాడు. అదే యోగవాశిష్టం (పేజీ 59).
కానీ అన్ని శ్లోకాలు చదివే ఓపిక లేని వారి కోసం ఎనభై పేజీలలో పొందుపరచిన విషయాలు సమస్త మానవకోటి మనుగడకు ఉపయోగపడతాయి. అప్పుడప్పుడైనా పుస్తకం చదివేవారైనాసరే ఈ ప్రజ్ఞానం బ్రహ్మను చూస్తే చదవకుండా విడిచిపెట్టరు.
సత్యం, జ్ఞానం, అనంతం, సహస్రనామం, ద్వాదశాక్షరి మంత్రం, షోడశి మంత్రం, పంచదశాక్షరి మహా మంత్రం, తమసోమా జ్యోతిర్గమయ తదితర అంశాలతో సాగిన ఆరవ అధ్యాయం ఆసక్తికరంగా ఉది.
మనసు సరిగ్గా వికసించని వారిలో ఇంద్రియాలు సమన్వయంగా పనిచేయక వాటి ఇష్టం వచ్చినట్లు పని చేస్తాయంటూ మనస్సంటే ఏమిటో రెండు పేజీలలో చెప్పిన విషయాలు అవశ్య పఠనీయం.
ఉపనిషత్తుల సారాన్ని అర్థమయ్యేలా సులభ శైలిలో చెప్పిన రచయిత అభినందనీయులు.
సహనశీలి, సౌందర్యరాశి స్త్రీ అని, శారీరక బలాఢ్యుడు, శ్రమ కోర్చే ధీరుడు పురుషుడు అంటూ విడమరచి చెప్పిన తీరు, ఇందుకు సంబంధించి భగవద్గీతలోని కొన్ని శ్లోకాలను ప్రస్తావించి వాటి భావాన్ని ఇవ్వడం బాగుంది.
శివతాండవం గురించి చెప్తూ సర్వప్రాణుల జడ పదార్థాల జనన మరణాలు అంటే సృష్టి లయలకు సంకేతమంటూ స్విట్జర్లాండులోని జెనీవా నగరంలో ఉన్న సెర్న్ పరిశోధనాలయంలో పరమాణువులపై జరిగిన పరిశోధనను ఉదహరిస్తూ అక్కడ ఆరున్నర అడుగుల ఎత్తయిన నటరాజ విగ్రహం ఉందనడం చదువుతుంటే రామనాథుడి అధ్యయనం ఎంత పట్టుగా సాగిందో అర్థమవుతుంది.
ఏదో పైపైన కొన్ని మాటలని కాకుండా ఎక్కడికక్కడ అవసరమైన శ్లోకాలు, వాటి అర్థాలు, సంబంధిత ఇతర అంశాలను పేర్కొనడం వల్ల ప్రతి పేజీ ఆసక్తిదాయకమే.
నేను చదవడమే కాదు, చాలా మంది చేత చదివిస్తున్నాను అన్న రచయిత్రి జలంధరగారి అభిప్రాయంతో ఏకీభవిస్తున్నాను. ప్రతి పాఠకుడు ఈ పుస్తకాన్ని చదివాక మరికొందరితోనూ చదివిస్తే ఎంతో బాగుంటుందన్నది నా అభిమతం.
విషయం పెద్దది. ధర చిన్నదీ (ముప్పై రూపాయలు) అయిన ఈ పుస్తకం కోసం సంప్రదించవలసిన రచయిత రామనాథుడు ఫోన్ నెంబరు – 9441435087.   
-         


కామెంట్‌లు
Unknown చెప్పారు…
ఇది అక్షర సత్యం అండి.
Popular posts
తల్లి గర్భము నుండి ధనము తేడెవ్వడు--ఎం బిందుమాధవి
చిత్రం
కవిత నా తోడు;- యలమర్తి అనూరాధ-హైదరాబాద్ -చరవాణి:924726౦206
టక్కరీ టిక్కరీ నక్క - గంగదేవు యాదయ్య
సగటు మనిషి ఆవేదన- సాహితీ సింధు, పద్య గుణవతి సరళగున్నాల
చీర కట్టుకు ఫిదా అయిపోయా!--ప రికిణీ ఓణీలో కనిపించే అమ్మాయిలంటే ఎంతిష్టమో అంతకు రెట్టింపిష్టం చీరకట్టులో ముస్తాబైన మగువను చూడాలంటే. చీర మాట స్ఫురణకు వచ్చినప్పుడల్లా ఎప్పుడో ఎక్కడో నేను రాసుకున్న కవితొకటి గుర్తుకొస్తోంటుంది.... "నువ్వు చీరలో వస్తుంటే దారిపొడవునా నిన్ను చూసిన వారందరూ శిలలై నిల్చుండిపోయారు! చీరను కట్టుకున్న సంతోషం నీ ముఖంలో చూసాను! నిన్ను కట్టుకున్న సంతోషం చీరంతటా చూసాను! ఇంకా ఎందరి హృదయాలను లేలేత దూదిపిందలల్లే మార్చబోతున్నావో కదూ నీ చీరకట్టులోని అందమైన నవ్వుతో!! చాలమ్మాయి, చాలిక, ఇక లేదు నా దగ్గర కోల్పోయేందుకు మరొక హృదయం....!! నీ చూపులు చీరందంతో పోటీ పడి జరిపే నాటకానికి కిందా మీదా అయిపోయేది నా హృదయమేగా!! అర క్షణంలో పడిపోతాను చీరకట్టులో నిన్ను చూసినప్పుడల్లా!! ఎందుకిలా అనుకుంటున్నానో తెలుసా నీకు నన్ను నేను మరచి...? నేను నాదేనని అనుకున్న మనసుని నీ చీరకట్టుతో నీ వెంటే తీసుకుపోతున్నావు అప్రమేయంగా!! అంతెందుకు ఓమారడిగావు గుర్తుందా "ఈ చీర నాకు బాగుందాని?" అప్పుడు నేనిలా అన్నాను... "బాగుండటమేంటీ, చీర కట్టులో మాత్రమే నీ అందమంతా అందిస్తున్నావు నాకు" అని! అవును, చీరకున్న శక్తి,.ఆకర్షణ అలాంటిది! శ్రీమతి జ్యోతి వలబోజు గారి ప్రేరణతో "సరదా శతకం"గా బ్నింగారు పాఠక లోకానికి అందించిన "చీర పజ్యాలు" మళ్ళీ చదివానిప్పుడు. పరికిణీ మీద కవితలు రాసిన "పరికిణీ వాలా" తణికెళ్ళ భరణిగారు "చీరని ఉతికి ఆరేయకుండా, చీరని చిరాకు పడే వాళ్ళని ఉతికి, చీరకి కుచ్చిల్లు పెట్టిన బ్నింగారికి "త్రీ ఛీర్స్" అనడం పట్టుచీరకున్నంత అందంగా ఉంది.బ్నింగారు మాటలతో మురిపిస్తారు. మరిపిస్తారు. ఓసారి ఆయనతో పరిచయమైతే మళ్ళీ మళ్ళీ ఆయన మాటలు వినడానికి మనసు ఉవ్విళ్ళూరుతుంంటుందనడం అతిశయోక్తి కాదు. తల్లావజ్ఝల లలితాప్రసాద్ దగ్గర ఫోన్ నెంబర్ తీసుకున్న మరుక్షణమే బ్నింగారికి ఫోన్ చేసి అడ్రస్ అడిగి వారింటికి కలియడంతో మా మధ్య పరిచయం శ్రీకారం చుట్టుకుంది. అదిప్పటికీ హాయిగా ఆనందంగా కొనసాగుతోంది."చీరపజ్యాల" రచనా శతకానికి శతక లక్షణమైన "మకుటం" లేనందువల్ల దీనిని శతకమనలేమని, కనుకే "సరదా శతకం"గా బ్నింగారు పద్యాల నడకను చదివి తరించవచ్చన్న డా. అక్కిరాజు సుందర రామకృష్ణగారి మాట అక్షరసత్యం."ఫెమినిస్టుని కాదుగానీ ఫెమిన్ ఇష్టున్ని అని చెప్పుకున్న బ్నింగారికి స్త్రీత్వం మీద విపరీతమైన ఇష్టమూ! గౌరవమూ!! చీరలంటే ఇష్టమున్న బ్నింగారు తమ ముందుకు అమ్మాయిలు మోడ్రన్ డ్రస్సులు వేసుకుని రావడానికి భయపడేలా మాత్రం నిక్కచ్చిగా చెప్పేస్తారు. తన సరదా శతకంలో కొన్ని పద్యాలు పేలాయని, కొన్ని పెట్రేగాయని చెప్పినప్పటికీ చీరందంలోని సొగసుని చాటి చెప్పడానికి బ్నింగారి శైలితో, భావంతో ఏకీభవించని వారుండరు. "బాపూ రమణల సినిమాల్ చూపెట్టును తెలుగుతనము జూమ్ షాట్లలోఆ పిక్చర్లో తరచుగ ఓ పాటనొ సీనులోనొ ఒదుగున్ చీరే!" అంటూ మొదలుపెట్టిన చీరపజ్యాల శతకాన్ని "చీరలపై శతకాన్ని వెరెవ్వరు రాయలేదు వింతే కాదా వారెవ్వా! నా బ్రైన్ లో ఊరించే చీర మడతలున్నా యింకాన్" తో ముగించారు.. ఇందులోని ప్రతి పద్యమూ చదివి ఆర్థం చేసుకోవడానికి శబ్దరత్నాకరమో శబ్దార్ద చంద్రికో లేక మరే నిఘంటువో అవసరం లేదు. అన్ని మాటలూ మన చుట్టూ మనతో మనలో ఉన్నవే. కనుక వాటిని చదువుతున్న కొద్దీ చీరకట్టుకున్న ప్రాధాన్యం విదితమవుతుంది. వారంరోజుల్లో ఈ చీర శతకాన్ని బ్నింగారు నేసిన సమయంలో రెండు సార్లు బ్నింగారిని కలిశాను. ఈ పుస్తకం ఇన్ సైడ్ కవర్లలో ఆయన వేసిన రెండు కార్టూన్లను వేస్తున్నప్పుడు ఎదుటే ఉన్నాను.వాటిలో ఒకటి - "అరుస్తారెందుకు? నా కన్నా చీరలే మీకిష్టం కదా....కులకండి! అంటూ చీరల ట్రంకుపెట్టెలో ఉన్న భర్తతో భార్య చెప్తున్నటువంటి ఈ మాటలు బలే పేలాయి. ఇక రెండో కార్టూనుకి "చీరలు కొనమని భార్యలు / ఊరకనే కోరబోరు - ఉందురు ఓర్పున్ / వారల అవసర మెరిగియు / మీరే తెచ్చివ్వ వలయు మేలగు నేస్తం" అంటూ అందించిన పద్యం మజాగా ఉంది.ప్రతి పద్యంలోనూ బ్నింగారు పలికించిన భావం "చీరకట్టులో ముచ్చటగా, ముద్దుగా కనిపించే సొగసైన కన్యలా" ఉంది.చీరలపై పుట్టిన సాహిత్యంలో, ముఖ్యంగా జానపద సాహిత్యంలో చీరందాలను ఎంతలా అభివర్ణించారో అందరికీ విదితమే."చుట్టూ చెంగావి చీర కట్టావే చిలకమ్మా" అని ఒకరంటే "కిన్నెరసాని వచ్చిందమ్మా వెన్నెల పైటేసి...." అని మరొక కవి మాట. అయితే ఇంకొక కవి "జ్యోతిలక్ష్మి చీర కట్టింది, చీరకే సిగ్గొచ్చింది...." అనడం ఎంత బాగుందో కదండీ. చీరంటే మాటలా! కనుక చీర పజ్యాలనొక్కసారైనా ప్రతి ఒక్కరూ ముఖ్యంగా స్త్రీలు చదివితే బాగుంటుందని నా మాట.- యామిజాల జగదీశ్
చిత్రం