ధర్మో రక్షతి రక్షితః *@-- కోరాడ నరసింహా రావు

సూటిగా - స్పష్టంగా... 

  ధీటుగా -  ఘాటుగా.... 

    చెప్పాలంటే...., 

        ఎంతధైద్యం  కావాలి ?!

  ఎంతతెగువ - స్తైర్యం ఉండాలి 

మొహమాటాలు... 

   మెతకమాటలు... 

    నీళ్లు నమలాటాలు... 

     కప్పదాట్లు.....

    గోడ మీద పిల్లుల్లా

        ప్రవర్తించే కర్మా... !?

     అది కలలో మాట... !!

నిజాయితీని నచ్చనోళ్లు.... 

     వీడి పోతేనేం.... !

 వాళ్ళు స్నేహితులు, శ్రేయోభి లాషులు ఎలా కాగలుగుతారు !

  వాళ్లంతా విచ్చకాలు, మెచ్చు కోళ్లకు  వెంపర్లాడే వారు... !

   అలాంటి వాళ్లంతా... 

..   నిన్ను  వీడి పోతేనేం... !

   లోకమంతా ఏకమై... 

     నిన్ను వెలివేసినా...., 

నీఅంతరాత్మనిన్నుమెచ్చుకుంటే

    చాలునోయ్.... !! 

  ఆతృప్తి,ఆ ఆనందమే వేరోయ్

 కడివెడు  గాడిద  పాలకన్నా...

 గరిటెడు ఆవుపాలు మేలేకదూ 

   ఈ రోజు తిట్టిన వాళ్ళే.... 

      రేపు పొగుడుతారు !

 ఒక గజ దొంగానైనా క్షమించి... 

  క్రీస్తును అప్పుడునిర్దాక్షన్యంగ 

  శిలువవేసి,ఇప్పుడు దేవుడని 

      కొలవటం లేదూ.... !

ఆనాడు  సోక్రటీస్ కి... 

   విషమిచ్చి చంపి... 

     ఇప్పుడు గొప్పవ్యక్తిగా... 

   గుర్తించి,గౌరవించటం లేదూ!!

 సత్యానికెప్పుడూ... గుర్తింపు, గౌరవం ... సన్మానం- సత్కారం 

 నిదానంగానే... !  

     ఓపిక పట్టాలి... !!

 

 ఈ రోజు తెగడిన వాళ్ళే... 

    రేపు పొగుడుతారు !

వాళ్ళ పొగడ్తలు - తెగడ్తలు... 

    పరిగణలోకి తీసుకోకు..., 

 నీధర్మాన్ని నీవేనాడూ తప్పకు

 ధర్మో  రక్షతి  రక్షితః... !

     *******