*"కుమార శతకం " - పక్కి లక్ష్మీ నరసింహ కవి - పద్యం 036*
 కందం:
*సిరి చేర్చు బంధువుల నా*
*సిరియే శుభముల నొసంగు చెలువుల గూర్చున్*
*సిరియే గుణవంతుండని*
*ధరలోఁ బొగడించునంచు దలపు  కుమారా !*
తా:
కుమారా! ఈ భూమి మీద మన దగ్గర ఉన్న డబ్బులు బంధువులను మన దగ్గరకు తీసుకువస్తాయి. సంపద అన్ని కోరికలను తీరుస్తుంది. స్నేహితులను ఇస్తుంది. మనలను మంచి గుణము కలవారము అని కూడా లోకం చేత పొగిడింప చేస్తుంది అని తెలుసుకో....... అని పక్కి లక్ష్మీ నరసింహ కవి చెపుతున్నారు.
*భావం:*
*"ధనమూలమ్ ఇదం జగత్" అని లోకంలో నానుడి. అంటే, మన సమాజంలో చాలా మంది, మన గుణ గణాలకన్నా మన దగ్గర ఉన్న సందలు, ధనము, భవంతుల వంటి లౌకిక విషయాలకే ప్రాధాన్యత ఇస్తారు. మన బ్రతుకు, కుటుంబం గడవాడనికి అవసరమైన సంపద ప్రతి వ్యక్తి సంపాదించాలి. అది ఆ వ్యక్తి మౌలికమైన ధర్మం. కానీ, ఎవరికైనా, ఎప్పటికైనా డబ్బు సంపాదించడం మాత్రమే జీవితం కాకూడదు. ఎందుకంటే, డబ్బు, సంపదలు ఎప్పటికీ శాస్వతం కాదు. మనకు దక్కిన రూపాయిలో కనీసం పది పైసల వంతైనా అవసరమైన వారికోసం ఖర్చు చేయాలి అనే ఆలోచన రావడం/తెచ్చుకోవడం చాలా ముఖ్యమైన విషయం. మనకందరకు, పరమాత్మా, నీవు నాకు అవసరమైన అంత సంపద ఇవ్వు. అలాగే, నీవు ఇచ్చిన దాంట్లో పదోవంతైనా ఎదుటి వారి కోసం ఖర్చు చేసే గుణం ఇవ్వు అని...... కలియుగ ప్రత్యక్ష దైవం, అలన్మేల్మంగా పద్మావతీ సమేత వేంకటేశ్వరుని ప్రార్ధించుకుందాము.*
*శివో రక్షతు! శివో రక్షతు!! శివో రక్షతు!!!*
..... ఓం నమో వేంకటేశాయ

Nagarajakumar.mvss

కామెంట్‌లు
Popular posts
సింగపూర్ లో యలమర్తి అనూరాధకు సన్మానం
చిత్రం
ఉదయం మా హృదయం...- ప్రమోద్ ఆవంచ 7013272452;
చిత్రం
దగ్గు , ఆయాసం,పిల్లి కూతలు - నివారణ ------------------------------------------------------- పిల్లల్లో జలుబు, దగ్గు, ఎక్కువైనప్పుడు ఊపిరి తిత్తుల్లోని శ్వాస మార్గాలు ముడుచుకు పోయినప్పుడు శ్వాస వదులుతున్నప్పుడు శబ్దం వస్తే దాన్ని పిల్లి కూతలు అంటారు. దీనికి ఉబ్బసం కూడా ఒక కారణం కావచ్చు. వైరస్ బాక్టీరియా , కారణంగా శ్లేష్మపు పొరలు వాచిపోతాయి. దాని వల్ల గురక వస్తుంది కఫం వాలా జ్వరం కూడా రావచ్చు. చిటికెడు పిప్పళ్ల చూర్ణంలో తేనే వెచ్చని నీటిలో కలిపి తాగిస్తే కఫ జ్వరం తగ్గిపోతుంది పిప్పళ్ల పొడిని పాలతో కలిపి తాగిస్తే ఉబ్బసం తగ్గి పోతుంది. పిప్పళ్ల పొడితో బెల్లం కలిపి తినిపిస్తే దగ్గు, ఉబ్బసం తో పాటు రక్తహీనత కూడా నివారించ వచ్చు. - పి . కమలాకర్ రావు
చిత్రం
సాహితీ ప్రియులకు అపురూప కానుక పొయిట్రి వర్క్ షాప్;-- యామిజాల జగదీశ్
చిత్రం
చిత్రం ;సాక్షి- 9వ తరగతి
చిత్రం