మరిచాను;-డా.నీలం స్వాతి,చిన్న చెరుకూరు గ్రామం,నెల్లూరు.6302811961.

 చెరువు గట్టున మేనును చల్లగా, 
తాకుతున్న ఈ చిరుగాలిలో...
ఎండను చాటు చేస్తూ 
హాయినిస్తున్న ఈ చెట్టు నీడలో...
పచ్చని కొంగు, ఎర్రని చీర,
తెల్లని రవిక సోయగాల 
సొగసులతో....
చెంపన చెవి దిద్దుల,
కొప్పున మల్లెల హొయలతో....
వయ్యారి హావభావాలకు 
తొణికిస లాడుతూ, 
గాజులు సవ్వడి చేసే, 
ఈ ఏకాంత సమయాన 
నా కాంత విన్నవిస్తున్న 
ఊసుల, బాసలు వింటూ,
తన్మయత్వాన్ని పొంది,
నేను ఒక్క క్షణం…
ఇది కల అని తలిచాను,
నిజం అని మరిచాను...