పల్లవి:-
ఎగిరిందీ ఎగిరిందీ మువ్వన్నెల మన జెండా!
నింగిలోన హరివిల్లై నవ్వుతోంది ఈజెండా !
హృదయమంత ఉప్పొంగీ పాడుతోంది గీతాలను
అవనియంత సంబరమై దేశభక్తి గేయాలను//ఎగిరిందీ//
చరణం:-
విశ్వశాంతి వీచికలు భరతజాతి సంతకమై
భరతమాత గడ్డపై భాగ్యోదయ సంబరమై
జాతికీర్తి జగమంతా వెలుగునింపెనీనాడే
తూరుపు తెలవారెను స్వేచ్చాకిరణాలతో //ఎగిరిందీ //
చరణం:-
ఉద్యమ జ్వాలను రగిలించిన దేశభక్తులెందరో
అగచాట్లను ఎండగట్టి చైతన్యం నింపినారు
దేశమంత నొక్కటియై ఆంగ్లేయుల తరిమినాము
బానిస సంకెళ్లను యుక్తితోడ తెంచినాము//ఎగిరిందీ//
చరణం:-
అణువణువున దేశభక్తి సూర్యుళ్ళయి వెలుగుతోంది
అమావాస్య చీకటిని తరిమేయగ పుట్టింది
రారండోయ్ పౌరులారా ప్రగతికొరకు పయనిద్దాం!
సమసమాజ స్థాపనకు కదులుదాం ఆశయమై//ఎగిరిందీ//
చరణం:-
హరివిల్లు రంగులన్ని నేలదిగెను మనకోసం
వాడవాడ సొగసులతో తోరణాలు మనకోసం
నృత్యాలే సొంపుగాను గీతాలే ఇంపుగాను
వందేమాతరమంటూ నినదించెను మనకోసం//ఎగిరిందీ //
addComments
కామెంట్ను పోస్ట్ చేయండి