సంపదా నీ చిరునామా ఎక్కడ;-సి. శేఖర్(సియస్సార్),పాలమూరు,9010480557

నా దేశం దోచుకుని దాచుకునేందుకు

దారులనెన్నో చూయిస్తుంది

చెమట విలువ 

రూపాయిలా 

దినదినం దిగజారుతోంది

దేశం ఆకలితో అల్లాడుతుంటే

ఉన్నోడికీ తలవంచడం నాయకత్వ లక్షణం

ఎందుకంటే

రాజకీయం 

కార్పోరేట్ కాలర్స్

పాదాలచెంత బానిసత్వానికలవాటుపడి

పేదోడి బతుకును తాకట్టెట్టేస్తుంది

మాటలముసుగులో కొందరు

మతం ముసుగులో కొందరు

అధికారాన్నెగురేసుకుపోతుంటే

మేధావులు సైతం 

మౌనవ్రతం ముసుగులో తోచనితనంతో చూస్తుంంటే

దోచుకునేటోనికింక తిరుగెక్కడిది

సంపద కిరీటం ఒకరిచేతిలో బందిగాక ఏమౌతుంది?

.