సుప్రభాత కవిత ; -బృంద

కొత్త  చోటు కోసం

నీటి పరుగులు

కొత్త క్షణాలతో

కాలం పరుగులు

కదిలి పోతున్న ప్రవాహం

కరిగి పోతున్న  కాలం

గతమయే క్షణాలు

రేపటిపై ఆశలు

అలసిన మనసును

ఆదరించే అమ్మలా

ఓడిన వేదనకు

ఓదార్పిచ్చే ఊరటలా

అందాలు పొదుగుకున్న

అవని సౌందర్యం

అందరికీ కనువిందివ్వడమే

అపురూప అనుభవం

కనుమల మధ్యన కమనీయ

ప్రవాహం

కన్నుల కింపైన ఏటి వయ్యారాల

ప్రయాణం

ఏటి దాపున ఇసుక తిన్నెల

స్వాగతించే ఆహ్వానం

మనసు పొందే ఏకాంతపు

అన్వేషిత ఆనందం

ప్రకృతి  ఒడిలో ఒదిగితే

తల్లి నీడలోని అనుభూతి

నిశ్శబ్దంలో వినిపించే 

ఇంపైన మౌనగీతి

అందమైన దృశ్యాన్ని

మరింత అనుపమంగా చేసే

తేటవెలుగుల ఉదయానికి

🌸🌸 సుప్రభాతం 🌸🌸