" బుక్కొక మేజిక్కు";-- యామిజాల జగదీశ్
వొట్టి తెల్లకాగితాలపై 
అక్షరాలు పేర్చి
ముద్రించడంతో 
పుస్తకం
పనైపోయిందనుకోవడానికి
వీల్లేదు !

పుస్తకం కొందరిని 
రెక్కలవసరం లేకుండానే
ఆకాశంలో ఎగరనిస్తుంది !
 
పుస్తకం కొందరికి
రూట్ మ్యాపులా 
ఎటు పోవాలో 
దారి చూపిస్తుంది !

పుస్తకం కొందరికి
లైట్ హౌసులా నమ్మకం
కల్పిస్తుంది !

కాగితాన్ని ముద్దాడే మాటలు
ప్రేమను వెల్లడిస్తాయి!
హత్తుకుని పరవశింప చేస్తాయి!
సమస్యలకు పరిష్కారం చూపిస్తాయి!
గాయాలకు ఔషధమై నయం చేస్తాయి!

అక్షరాల కూర్పుకున్న శక్తి
గణనీయం!!

మాట
విత్తనమై మొక్కై మానై
నీడై తోడవడం
ఓ అద్భుత ప్రక్రియ !!

ఓ మాట వయస్సుని
మనం తెలుసుకోవడం
అంత తేలిక కాదు !

చదివే ప్రతి ఒక్కరూ
పుస్తకంతో మమేకమై 
కొత్త రూపమెత్తుతారు !

అందుకే అంటాను
అక్షరాలన్నింటినీ 
అక్కున చేర్చుకున్న
పుస్తకం సామాన్యమైంది కాదు,
అదొక మేజిక్కు!!

ఆ మేజిక్కుతో పొందే 
ఆనందం వల్లే
పుస్తకాన్ని మళ్ళీ మళ్ళీ 
చదువుతుంటాం !!
తరిస్తుంటాం !!


కామెంట్‌లు
Popular posts
సింగపూర్ లో యలమర్తి అనూరాధకు సన్మానం
చిత్రం
తెలంగాణ సారస్వత పరిషద్ ఆద్వర్యం లో తొలి బాల సాహిత్య సమ్మేళనం
చిత్రం
దగ్గు , ఆయాసం,పిల్లి కూతలు - నివారణ ------------------------------------------------------- పిల్లల్లో జలుబు, దగ్గు, ఎక్కువైనప్పుడు ఊపిరి తిత్తుల్లోని శ్వాస మార్గాలు ముడుచుకు పోయినప్పుడు శ్వాస వదులుతున్నప్పుడు శబ్దం వస్తే దాన్ని పిల్లి కూతలు అంటారు. దీనికి ఉబ్బసం కూడా ఒక కారణం కావచ్చు. వైరస్ బాక్టీరియా , కారణంగా శ్లేష్మపు పొరలు వాచిపోతాయి. దాని వల్ల గురక వస్తుంది కఫం వాలా జ్వరం కూడా రావచ్చు. చిటికెడు పిప్పళ్ల చూర్ణంలో తేనే వెచ్చని నీటిలో కలిపి తాగిస్తే కఫ జ్వరం తగ్గిపోతుంది పిప్పళ్ల పొడిని పాలతో కలిపి తాగిస్తే ఉబ్బసం తగ్గి పోతుంది. పిప్పళ్ల పొడితో బెల్లం కలిపి తినిపిస్తే దగ్గు, ఉబ్బసం తో పాటు రక్తహీనత కూడా నివారించ వచ్చు. - పి . కమలాకర్ రావు
చిత్రం
ఆడపిల్ల అంటే అర్థం!! ప్రతాప్ కౌటిళ్యా
చిత్రం
చిత్రం ; ఇమ్రాన్--7వ తరగతి
చిత్రం