కుందేలు ఆత్మవిశ్వాసం;-- యామిజాల జగదీశ్

 ఒక కుందేలు ఆత్మహత్య చేసుకోవడానికి నిర్ణయించుకుంది.
అందుకు కారణం...
ఓవైపు వేటగాడు వెంటపడి తరుముతున్నాడు....మరొకవైపు కుక్క....మరొకవైపు పులి...ఇలా ఎటువైపు చూసినా కుందేలుకి ప్రాణాపాయమే....
ఇక నేను బతికి ఉండేందుకు అర్హత లేదనుకుంది. ఎలా ఆత్మహత్య
చేసుకోవాలాని ఆలోచించింది.
చివరగా...
కొలనులో దూకి ఆత్మహత్య చేసుకుందామని కొలను దగ్గరకు వెళ్ళింది.
అప్పుడు కుందేలు రాకకు భయపడికొలను గట్టున ఉన్న కప్పలు కొలనులోకి దూకాయి.
కుందేలు ఆలోచించింది. 
అరెరె...నన్ను చూసీ భయపడే ప్రాణులు ఈ భూమ్మీద ఉన్నాయా అనుకుంది. అంతే ఆ క్షణమే తన నిర్ణయాన్ని మార్చుకుంది.
ఆత్మహత్య చేసుకోవడానికి దృఢమైన మనసుండాలి. తెగింపూ ఉండాలి... అంతటి మానసిక శక్తీ, తెగింపూ ఉన్నప్పుడు నువ్వెందుకు చావాలి?  బతికి చూడు....అని పదే పదే చెప్పిన అంతరంగానికి కృతజ్ఞతలు చెప్తూ కుందేలు ఆత్మవిశ్వాసంతో హుందాగా బతికింది. తన చాతుర్యంతో ఆపదలను ఎదుర్కొంది.