అడవి అమ్మ!!! ప్రతాప్ కౌటిళ్యా
పూ తోటలోనీ
సీతాకో చిలుక ఒకటి
అడవిలోకి ప్రవేశించింది!!?

ఆకాశమంత అడవి
ఇంద్రధనస్సు లాంటి
సీతాకోచిలుకను ఆహ్వానించింది!!

ఆ తరువాత ఏం జరిగిందో
ఒకటే వర్షం
నీలంతా నీళ్లతో స్నానం చేసింది!!

మేఘాల నీటి కుండాలన్నీ
పగులగొట్టి
నేల పాలైన కన్నీటిని
రెండు కళ్ళ కడవల కావడిని మోసింది!!?

అడవంత దగ్ధమైపోతున్న
కడుపుకోతలో
మెరుపు అరుపులు
స్మశానాన్ని ధిక్కరిస్తున్నాయి!!

ప్రవేశించడాన్నీ
నిషేధించిన పగలు,
రాత్రిని అడవిలో బంధించింది!!

ఆత్మహత్య చేసుకున్న చీకట్లు
చెట్లకు వేలాడుతున్నవి!!

కళ్ళు తెరిచిన కారడివి
మిట్ట మధ్యాహ్నం
సూర్యుని మింగేసింది
ఆకలి చచ్చిపోయింది!!

చిరుత పులి సింహం ఏనుగు 
నాలుగు స్తంభాలాట లో
నాలుగు సింహాల వేట ముగిసినట్లు
అడవి ప్రకటించింది.!!

దూరంగా జరిగిపోతున్న అడవి అంతా
పచ్చని పచ్చి రక్తం పారుతున్నట్లు
మొక్కలన్ని నేల వాలిపోతున్నాయి!!

అడవికి అడ్డంగా నిలబడ్డ
నెమలి ఒకటి
రెండు కాళ్లపై వేలా ఆకాశాల్నీ
పురివీప్పి పూసింది!!

హద్దుల్ని సరిహద్దుల్ని చెరిపి అడవి
తొలి పొద్దుల్నీ
తొలిసారి ప్రసవించింది ఇప్పుడే!!

అడవి ఒంటరిది
జంట కోసం
ఆకాశాన్ని ఆశించింది!!
చివరికి ఒంటరిగానే
మిగిలిపోయింది!!

ఎగురుతున్న జంట పక్షుల
చూపులు ఎప్పటికీ కలవవు

రెక్కలు నరికిన ఆకాశం
ఎప్పటికీ అపరాధిగానే
మిగిలిపోయింది!!!?

అమ్మలాంటి మైభూనాకు ప్రేమతో

Pratapkoutilya lecturer in Bio-Chem palem nagarkurnool dist 🙏🙏
8309529273

కామెంట్‌లు
Popular posts
సింగపూర్ లో యలమర్తి అనూరాధకు సన్మానం
చిత్రం
ఉదయం మా హృదయం...- ప్రమోద్ ఆవంచ 7013272452;
చిత్రం
దగ్గు , ఆయాసం,పిల్లి కూతలు - నివారణ ------------------------------------------------------- పిల్లల్లో జలుబు, దగ్గు, ఎక్కువైనప్పుడు ఊపిరి తిత్తుల్లోని శ్వాస మార్గాలు ముడుచుకు పోయినప్పుడు శ్వాస వదులుతున్నప్పుడు శబ్దం వస్తే దాన్ని పిల్లి కూతలు అంటారు. దీనికి ఉబ్బసం కూడా ఒక కారణం కావచ్చు. వైరస్ బాక్టీరియా , కారణంగా శ్లేష్మపు పొరలు వాచిపోతాయి. దాని వల్ల గురక వస్తుంది కఫం వాలా జ్వరం కూడా రావచ్చు. చిటికెడు పిప్పళ్ల చూర్ణంలో తేనే వెచ్చని నీటిలో కలిపి తాగిస్తే కఫ జ్వరం తగ్గిపోతుంది పిప్పళ్ల పొడిని పాలతో కలిపి తాగిస్తే ఉబ్బసం తగ్గి పోతుంది. పిప్పళ్ల పొడితో బెల్లం కలిపి తినిపిస్తే దగ్గు, ఉబ్బసం తో పాటు రక్తహీనత కూడా నివారించ వచ్చు. - పి . కమలాకర్ రావు
చిత్రం
సాహితీ ప్రియులకు అపురూప కానుక పొయిట్రి వర్క్ షాప్;-- యామిజాల జగదీశ్
చిత్రం
చిత్రం ;సాక్షి- 9వ తరగతి
చిత్రం