సునంద భాషితం ;-వురిమళ్ల సునంద, ఖమ్మం

 న్యాయాలు-19
ఉష్ట్ర కంటక న్యాయము
*****
ఉష్ట్రం అంటే ఒంటె. కంటకము అంటే ముల్లు.
ముళ్ళు గుచ్చుకుంటున్నా ఒంటె ఆ బాధనుండి నేర్పుతో, ఓర్పుతో తప్పించుకుంటూ, ఇబ్బందిని ఇష్టంగా సహిస్తూ జమ్మి ఆకులను గానీ, పల్లేరు కాయలను తింటుంది.అలా ముళ్ళు గుచ్చుకోకుండా  ఒంటె నేర్పుతో తప్పుకుంటూ తినెడి విధమునే ఉష్ట్ర కంటక న్యాయము అంటారు.
బాధలు,కష్టాల నుండి ఒడుపుగా, నేర్పుతో తప్పుకుంటూ సుఖాన్ని, తృప్తిని పొందడాన్ని ఈ న్యాయంతో పోల్చుతారు.
మనిషి కూడా అంతే. ఎంత కష్టమైన పనైనా సరే దాని వల్ల  కొంత లాభము, సంతోషము, తృప్తి కలుగుతుందంటే...
 దానిని చేయడానికి ఏమాత్రం వెనుకాడడు. ధైర్యంగా, సాహసంతో ముందుకు దూసుకు పోతూ కంటకాల వంటి  ఇబ్బందులు ఎన్ని ఎదురైనా వాటిని ఎంతో నేర్పుతో, ఓపికగా తొలగించుకుని అనుకున్నది సాధిస్తాడు.ఇలాంటి వాటికి ఉదాహరణే ఈ ఉష్ట్ర కంటక న్యాయము.
కొందరు సాహస వంతులు,ప్రయోగశీలురు, సమాజ హితైషులు ఇలాంటివి ఎక్కువగా ఇష్టపడుతూ చేస్తుంటారు. అందులో విజయాలను సొంతం చేసుకుంటారు.అందులోనే ఆనందం వెతుక్కుంటూ విజయాలను సొంతం చేసుకుంటారు.
అలాంటి వారికి సరిగ్గా సరిపోతుంది కదండీ! ఈ ఉష్ట్ర కంటక న్యాయం.
ప్రభాత కిరణాల నమస్సులతో 🙏