నాలో నేను ;- బృంద🪴
మదిలో మెదిలే భావాలను
అక్షరాలుగా మార్చి
ఊహల పల్లకీ ఎక్కించి
అందమైన ప్రదేశాల చుట్టూ 
ఊరేగించి మురిసిపోయే
మనసు నాది

మల్లెతీగలో గుత్తులుగా
విరిసిన మల్లెల పంచే
పరిమళాలను..
గుండెనిండా పీల్చి 
అనిర్వచనీయమైన
ఆనందం పొందే
అల్ప సంతోషిని నేను.

సుదూరతీరాల నుండీ
గాలి మోసుకొచ్చే ఆపాత
మధురాల ఆలకించి
చిన్నప్పటి నేస్తాన్ని
కలిసినట్టు సంబరపడే
సంతోషం నాది

సన్నగా కురిసే వాన చినుకులు
తెచ్చిన మేఘసందేశం 
చేతులతో అపురూపంగా
పట్టుకుని మనసు నింపుకనే
చిన్ని మనసు నాది

చంటిపాప నన్ను చూసి
బోసినోరంతా విప్పి నవ్వితే
పరమాత్మ దర్శనం అయినట్టు
భావించే భక్తి నాది.

మొగ్గలేసిన మొక్కలు చూసి
చల్లగ ఉదయించే
పగడాల జాబిలిని చూసి
తూర్పున వేకువలో  విరిసే 
నారింజరంగులు చూసి
అచ్చంగా నాకోసమే  అవి
అనుకునే అతిశయం నాది.


కామెంట్‌లు
Popular posts
సింగపూర్ లో యలమర్తి అనూరాధకు సన్మానం
చిత్రం
ఉదయం మా హృదయం...- ప్రమోద్ ఆవంచ 7013272452;
చిత్రం
తెలంగాణ సారస్వత పరిషద్ ఆద్వర్యం లో తొలి బాల సాహిత్య సమ్మేళనం
చిత్రం
దగ్గు , ఆయాసం,పిల్లి కూతలు - నివారణ ------------------------------------------------------- పిల్లల్లో జలుబు, దగ్గు, ఎక్కువైనప్పుడు ఊపిరి తిత్తుల్లోని శ్వాస మార్గాలు ముడుచుకు పోయినప్పుడు శ్వాస వదులుతున్నప్పుడు శబ్దం వస్తే దాన్ని పిల్లి కూతలు అంటారు. దీనికి ఉబ్బసం కూడా ఒక కారణం కావచ్చు. వైరస్ బాక్టీరియా , కారణంగా శ్లేష్మపు పొరలు వాచిపోతాయి. దాని వల్ల గురక వస్తుంది కఫం వాలా జ్వరం కూడా రావచ్చు. చిటికెడు పిప్పళ్ల చూర్ణంలో తేనే వెచ్చని నీటిలో కలిపి తాగిస్తే కఫ జ్వరం తగ్గిపోతుంది పిప్పళ్ల పొడిని పాలతో కలిపి తాగిస్తే ఉబ్బసం తగ్గి పోతుంది. పిప్పళ్ల పొడితో బెల్లం కలిపి తినిపిస్తే దగ్గు, ఉబ్బసం తో పాటు రక్తహీనత కూడా నివారించ వచ్చు. - పి . కమలాకర్ రావు
చిత్రం
కళ్యాణ దంపతులు; - శంకరప్రియ., శీల., సంచారవాణి:99127 67098
చిత్రం